Haggai 2:15 - O Debleskro Lab 2024 (Sinte-Manouche)

¹⁵ Oun kanna denn garda, har djal t'menge kava dives, oun an ko tsiro, hoy vella! Glan kava dives kay čivan t'mer yek bar ap o vavar ap o baro Debleskro kheer, his yaake:

O Debleskro Drom 2021 (Sinte)

¹⁵ Un kanna denn garda, har djal tumenge kau diwes, un an ko tsiro, hoi wella! Glan kau diwes kai tchiwan tumer jek bar ap o wawar ap o baro Debleskro kheer, his jaake:

Haggai 2:15 Iomraidhean Croise

Esra 3:10

Oun har čivan i boudepangre i telstoune barra pre o baro Debleskro khereske, his i rashaya koy tardo an pengre rashayengre ripya oun phourdan an pengre phourdepangre. Oun i Levitarya, kolengro phouro dad o Asaf his, kolen his pengre bashepangre, hoy kharenn cimbale, ninna pashel, te nay sharenn le o baro Debles, yaake har o David, ko baro ray pral Israel kova penas.

Esra 4:24

Kote ačas i boudi ap o Debleskro kheer an o foro Yerusalem tardo. Oun kova ačas yaake bis o ray Darius an o douyto bersh o baro ray his pral o them Persia.

Debleskri gili 107:43

Koon gosevo hi, bistrell kova gar, oun hayvell, har lačo o baro Devel hi.

Jesaja 5:12

Yon moukenn penge mishto te djal oun krenn bashepen ap doryengre bashepangre oun phourdepangre oun vavar bashepangre. Oun mool hi ninna pashel. Ap kova, hoy o baro Devel krell, dikenn le gar. Kolestar kamenn le či te djinell.

Hosea 14:9

Palle penell o Efrayim ap mande: Hoy te krap kanna i moule deblentsa? Me shounau oun dikau ap toute. Me hom har i baro zenelo rouk. Kova, hoy ap mande bares vell, vell toutar.

Haggai 1:5

Doleske penell o baro Devel, ko ray pral o bolepen oun i phoub: Denn garda har t'menge djala:

Haggai 1:7

Kava penell o baro Devel, ko ray pral o bolepen oun i phoub: Hayvenn, hoske t'menge yaake djala!

Haggai 2:16

Te vas yek t'mendar kote, kay i djob čiddo hi, oun kamas douy-sheel kilogramme te lell, hatsas yob gar boudeder har yek sheel kilogramme. Te vas yek t'mendar kote, kay i mool garedo vell, oun kamas sheel litarya te lell, hatsas lo gar boudeder har star-deesh litarya.

Haggai 2:18

Kava dives hi o 24. (biish-te-starto) dives an o enyato čon. Kava dives čivan t'mer i telstoune barra miro khereske yek ap o vavar. Kanna denn garda, har t'menge kava divesseha djala!

Zakarie 8:10

Bis kanna his kek love koy, te playsrenn le morshen pengre firhentsa lengri boudjake. Oun kolla, kay djan vin oun dren an o foro, hounte daran pengro djipaske. Hakeno djas ap o vavareste pre.

Zakarie 8:11

Kanna kamau bouder gar yaake te krell kolentsa, kay pral ačan kal menshendar, har an kol phoure divessa.

Remarja 6:21

Kova, hoy kran, his či moldo. T'mer kran savo koova, koleske kay dives ladjenn t'men. Savo koova anell an o merepen dren.

1. Korintarja 11:31

Te dah yak ap mende, har mer an o patsepen tardo ham, lah kek phagi.