Haggai 2:11 - O Debleskro Lab 2024 (Sinte-Manouche)

¹¹ Kova penell o baro Devel, ko ray pral o bolepen oun i phoub: Pouč i rashayen, hoy yon penenn an kava koova:

O Debleskro Drom 2021 (Sinte)

¹¹ Kowa penell o baro Dewel, ko rai pral o bolepen un i phub: Putch i rashajen, hoi jon penenn an kau koowa:

Haggai 2:11 Iomraidhean Croise

Ezekiel 22:26

Tire rashaya rissrenn mire laba trouyel. Oun krenn kova pale-čiddo, hoy mange hi. Kova, hoy mange dino vas, hi lenge gar boudeder moldo har hako vavar koova. I vavar menshenge sikrenn le gar, hoy pale-čiddo oun hoy gar pale-čiddo hi. Oun yon pandenn pengre yaka, te venn o Debleskre divessa gar dren rikedo. Yaake krenn le, te vap me bouder gar sharedo.

Maleachi 2:7

Kova hi i rashayengri boudi: Yon hounte penenn o Debleskro lab an o čačepen, te nay djan i menshe pash lende, te kamenn le te djinell, hoy o baro Devel lendar kamella. I rashaya hi i bičepangre o baro Deblestar, ko rayestar pral o bolepen oun i phoub.

5. Mose 33:10

Yon sikrenn i Israelitaryen tiro drom, ava, o Yakobeskre čaven tiro čačepen. Soungepaskro koova anenn le glan toute, oun rhačrenn firhen touke ap tiri rhačepaskri.

Tito 1:9

Yob rikrell pes ap o Debleskro lab yaake, har kova leske penlo vas, oun čačo hi. Palle nay rakrell lo i patslenge an o dji, te ačenn le ap o čačo drom. Ninna nay sikrell lo kolende, kay vavar koova rakrenna, kay lengro gar čačo hi.