Haggai 1:9 - O Debleskro Lab 2024 (Sinte-Manouche)

⁹ T'mer kamenn boud, oun gar boud hi, hoy lenn t'mer. Oun te kamenn kova khere te anell, lau les t'mendar. Hoske kova? penell o baro Devel, ko ray pral o bolepen oun i phoub. Miro kheer hi paash dino oun čiddo an kotya. Oun hakeno t'mendar dikell kokres ap peskro kheer.

O Debleskro Drom 2021 (Sinte)

⁹ Tumer kamenn bud, un gar bud hi, hoi lenn tumer. Un te kamenn kowa khere te anell, lau les tumendar. Hoske kowa? penell o baro Dewel, ko rai pral o bolepen un i phub. Miro kheer hi paash dino un tchiddo an kotja. Un hakeno tumendar dikell kokres ap peskro kheer.

Haggai 1:9 Iomraidhean Croise

2. Samuel 21:1

An ko tsiro, kay o David djivas, vas i bari bok pral o them, oun i menshen his triin bersh či te rhal. Oun o David poučas o baro Deblestar, hoske kova yaake hi. Oun o baro Devel penas: “Ap o Saul oun ap leskro kheer hi i rateskri doosh čiddo, doleske, kay o Saul das kol Gibeonaryen moulo.”

2. Samuel 22:16

Kote vas o telstunepen tel i panya diklo, oun i telstouni phoub vas pre-čakedo, har tou, baro Devel, čingral oun trad dal an tiri rholi.

2. Rajengro liil 19:7

Me krau, te penell yek čomone ap o baro rayeste, hoy les tradell, te djal lo pale an peskro them. Oun kote krau, te vell lo maredo o rhareha.”

Hiob 10:2

Me penau ap o Debleste: Ma pen: Doosh hi ap toute! Pen mange, havi doosh tou ap mande hatsal?

Gosewe laba 11:24

Kote hi yek, kova dell oun dell; oun yob lell boudeder oun boudeder. Oun kote hi i vavar, kova hi činlo oun dell či; oun vell čorvleder.

Gosewe laba 27:20

O moulengro them vell gar čalo. Yaake hi ninna i menshengre yaka: Yon lenn gar doha.

Sikepaskro 1:8

Khines krell man halauter, hoy i menshe rakrenna, oun kek nay hatsell i čače laba. O yak nay dikell pes gar čales, oun o kand nay shounell pes gar čales.

Jesaja 40:7

Te phourdell o baro Devel pral lende, vell o khass djelto, oun i blouma perell tele. Čačepah, i menshe hi har khass!

Jesaja 5:10

Ap deesh hektarya drakengro them venn drake bares, hoy denn gar boudeder har orhta litarya mool. Oun sheel kilogramme djob, hoy vi-vitsedo van an i phoub, anenn gar boudeder har deesh kilogramme djob.

Jeremia 12:13

Mire menshe čivan djob an i phoub, oun soubyengro zenlepen lan le khetne. Yon maran pen tele, oun lan či dran lengri phari boudi. Lauter his čičeske! His koy bari rholi o baro Deblestar, hoy kras lauter paash.

Ezekiel 21:31

Me, o baro Devel, tiro ray, penau touke: Krik ko dikleha troul tiro shero! Le i rayeskri stadi tele! Či ačell har his. Kova, kay pral his, vell tele. Oun kova, kay tele his, vell pral!

3. Mose 19:25

An o pančto bersh rhan t'mer kova, hoy kol rouka hidjrenn. Te krenn t'mer kova yaake, palle vell kova hoy t'men dren lenn, boudeder oun boudeder. Me, o baro Devel, hom t'maro Devel.

Haggai 1:4

Hi ko tsiro kay, te beshenn t'mer an shoukar kerde khera, oun miro kheer hi paash dino oun čiddo an kotya?

Haggai 1:6

T'mer boudrenna ap t'mari phoub, oun anenn gar boud dren. T'mer rhan oun venn gar čalo; t'mer piyenn oun t'mari troush ačella; t'mer rivenn t'men lačes an, oun t'menge vell gar tates. Oun kones love hi, kova čivell len an i possita, kay i rheb dren hi.

5. Mose 28:38

T'mer vitsrenn boud djob ap t'mari phoub vin, oun anenn kokres i vast pherdo dren. I stepangre rhan halauter pre.

Debleskro tsiro 2:4

Yek koova hi pash t'mende, hoy hi gar mishto: T'mer kamenn man bouder gar o tselo djiyestar, yaake har kova his ap ko tsiro, har t'mer patslo van. T'maro dji moukas man.

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!