Haggai 1:1 - O Debleskro Lab 2024 (Sinte-Manouche)

¹ An o douyto bersh, har o Darius o baro ray his, ap o ersto dives an o shobto čon, penas o baro Devel laba ap peskro rakepaskro, o Haggay, te penell yob kal laba doureder ap o Zorobabel, koleskro dad o Shealtiel his, oun ap o Yeshoua, koleskro dad o Yozadak his. O Zorobabel his o pralstouno pral o them Youda, oun o Yeshoua his o baro rashay.

O Debleskro Drom 2021 (Sinte)

¹ An o duito bersh, har o Darius o baro rai his, ap o ersto diwes an o shobto tchon, penas o baro Dewel laba ap peskro rakepaskro, o Haggai, te penell job kal laba dureder ap o Serubbabel, koleskro dad o Shealtijel his, un ap o Jeshua, koleskro dad o Jozadak his. O Serubbabel his o pralstuno pral o them Juda, un o Jeshua his o baro rashai.

Haggai 1:1 Iomraidhean Croise

1. Rajengro liil 10:15

Koy pashel vas kol love, hoy hounte playsran leske i bikepangre oun i parepangre, kay djan dren oun vin an o them, oun kol love, hoy dan leste i tsele bare raya dran o them Arabia oun vavar themeskre raya.

1. Rajengro liil 14:18

Oun yon paskran les, oun i tsele Israelitarya rovan pral leste. Yaake van kol laba čačo, hoy o baro Devel peskro rakepaskres, o Ahia, kay leske koy his, an o mouy čivas.

2. Rajengro liil 14:25

O Yerobeam las kol themeskre kotya pale dren, hoy vavar lenge krik lan, yaake te vas o them Israel pale khetne, ko forestar Hamat bis pash o Londo Baro Pani. Yaake vas čačo, hoy penas o baro Devel, o Israeleskro Devel, ap peskro boudepaskro, o Yona, koleskro dad o Amitay his, dran o foro Gat-Hefer. Oun o Yona, ko Debleskro rakepaskro, penas kova i Israelenge doureder.

1. Familjakro liil 3:17

O Yekonya vas pandles anlo an o them Babilonia. Leskre čave his: o Shealtiel,

1. Familjakro liil 3:19

O Pedaya his o dad douy čavendar: o Zorobabel oun o Shimi. O Zorobabel his o dad kol douy morsh čavendar, o Meshoullam oun o Hananya. Oun i Shelomit his lengri pheen.

Esra 1:8

Oun o Cyrus, ko ray pral Persia, das halauter an o vast kolestar, kay pral o bravlepen his. Leskro lab his Mitredat. Oun o Mitredat činas kol tsele koola an i liil, oun das ko liil o Sheshbazar. Kova his o pralstouno pral o them Youda.

Esra 10:18

Kalla hi i morsha, kay lan penge romyen kol menshendar, kay kek Israelitarya his: an i familya o morshestar Yeshoua, koleskro dad o Yozadak his, oun pash leske phralende: o Maasseya, o Eliyeser, o Yarib oun o Gedalya.

Esra 2:2

Yon van khetne kol morshentsa: O Zorobabel, o Yeshoua, o Nehemya, o Seraya, o Reelaya, o Mordokay, o Bilshan, o Misperet, o Bigvay, o Rehoum oun o Baana. Kolla hi i laba kol familyendar, kay van pale an Israel oun kitse morsha an lende his:

Esra 2:63

Oun ko moskro penas lenge, te nay rhan le gar o rhapen, hoy kokres i rashayenge his, yaake rah bis te i rashay vas oun vin hatsas, hoy i barra Momeli oun Čačepen pral kava koova penan.

Esra 3:2

Oun o Yeshoua, koleskro dad o Yozadak his, kras pes ap i boudi khetne peskre phralentsa, kol rashayentsa, oun o morsheha Zorobabel, koleskro dad o Shealtiel his, oun leskre phralentsa. Oun yon kran i nevi sasterni rhačepaskri, te nay rhačrenn le firhen koy pre o Israeleskro Debleske, yaake har činlo hi an o liil o Debleskro morshestar, o Mosestar.

Esra 3:8

An o douyto bersh har yon pale van an o foro Yerusalem, oun an o douyto čon, kran pen i Israelitarya ap i boudi, te čivenn le o Debleskro kheer pale pre. O Zorobabel, koleskro dad o Shealtiel his, oun o Yeshoua, koleskro dad o Yozadak his, oun lengre vavar phrala, kolla his i rashaya oun i Levitarya, oun halauter, kay van dran pengro pandepen pale an o foro Yerusalem boudran khetne ap o Debleskro kheer. Oun yon rodan i Levitaryen vin, kay biish bersh oun phoureder his, te denn le yak ap koy tseli boudi an o baro Debleskro kheer.

Esra 4:2

Koy djan le pash o Zorobabel oun pash i familyengre pralstunende oun penan: “Mer kamah t'mentsa o Debleske i kheer te krell. Mer mangah ninna t'maro Debles an, oun maram leske firhen, yaake rah har o baro ray pral o them Assour, o Asarhaddon, men halauter kate an kava them moukas te anell.”

Esra 4:24

Kote ačas i boudi ap o Debleskro kheer an o foro Yerusalem tardo. Oun kova ačas yaake bis o ray Darius an o douyto bersh o baro ray his pral o them Persia.

Esra 5:1

Oun o Debleskre rakepangre, o Haggay oun o Zakarie, koleskro dad o Iddo his, kolla rakran i biboldentsa, kay djivan an o them Youda oun an o foro Yerusalem, oun penan lenge, hoy lengro Devel, ko Devel pral o Israel, lenge kal biboldenge penas.

Esra 5:3

An ko tsiro van morsha pash lende: o Tattenay, ko his o pralstouno pral o them ap i vavar rig o panyestar Eufrat, oun o Shetar-Bosnay oun lengre mala oun penan: “Koon penas t'menge, te čivenn kava kheer pale pre oun te krenn kal massurya pale nevo?”

Esra 6:14

Oun o phoureder i biboldendar kran pengri boudi ap o Debleskro kheer doureder. Oun i boudi djas mishto, yaake har penan kova o Debleskre rakepangre, o Haggay oun o Zakarie, koleskro dad o Iddo his. Oun yon čivan o kheer pre, oun kran halauter yaake har les lenge o Israeleskro Devel penas oun pal i laba, kay penan i raya pral o them Persia, o Cyrus, o Darius oun o Artaxerxes.

Nehemia 12:1

Oun kalla hi i rashaya oun i Levitarya, kay van pale dran o pandepen khetne kol douy morshentsa, o Zorobabel, koleskro dad o Shealtiel his, oun o Yeshoua: o Seraya, o Yirmeya, o Esra,

Nehemia 12:10

O Yeshoua las i čavo. Leskro lab his Yoyakim. Koleskro čavo his o Elyashib, koleskro čavo his o Yoyada,

Nehemia 5:14

Foun ko dives an, kay mange penlo vas, te vap o ray pral o them Youda, lom me mange oun mire menshenge či kolestar, hoy o themeskro rayeste hounte dino vals. Deesh-te-douy bersha krom yaake. Kova his an ko tsiro, kay o Artaxerxes an o 20. (biishto) bersh baro ray his, bis an leskro 32. (triyanda-te-douyto) bersh.

Nehemia 7:7

Yon van khetne kol morshentsa Zorobabel, Yeshoua, Nehemya, Asarya, Raamya, Nahamani, Mordokay, Bilshan, Misperet, Bigvay, Nehoum, oun Baana. Kolla hi i laba kol familyendar, kay van pale an Israel oun kitse morsha an lende his:

Nehemia 8:9

Oun i tsele menshe rovan, har shounan le kol laba, hoy an o Moseskro liil tardo his. Oun o Nehemia, kova his o moskro pral o foro Yerusalem, oun o rashay Esra, kova his o sikepaskro, oun kol Levitarya, kay i menshenge penan, hoy o Debleskro lab kamell te penell, kolla penan ap lauterende: “Kava dives hi i baro dives o baro Debleske, kay t'maro Devel hi. Doleske moukenn t'mare djia gar phares te vell! Oun ma rovenn!”

2. Mose 4:13

Koy penas o Mose: “Miro ray, mangau tout, biče yek vavares!”

Haggai 1:12

Oun o pralstouno, o Zorobabel, koleskro dad o Shealtiel his, oun o baro rashay, o Yeshoua, koleskro dad o Yozadak his, kolla shounan kol laba. Ninna shounan len kol tsele menshe, kay his gar pandles krik anlo. Kol laba penas lenge o Debleskro rakepaskro, o Haggay, koles lengro baro Devel pash lende bičras. Oun i menshe lan kol laba an o dji, oun trashan o baro Deblestar.

Haggai 1:14

Oun o baro Devel čivas lenge an o dji, te boudrenn le ap o baro Debleskro kheer. Oun yaake vas o Zorobabel, ko pralstouno pral o them Youda, koleskro dad o Shealtiel his, oun o Yeshoua, ko rashay, koleskro dad o Yozadak his, oun kol tsele menshe, kay gar pandles krik anlo van, te boudrenn le ap o kheer o baro Deblestar, ko rayestar pral o bolepen oun i phoub.

Haggai 1:15

Kova his ap o 24. (biish-te-starto) dives an o shobto čon an o douyto bersh, har o Darius o baro ray his.

Haggai 1:2

O Haggay penas: Kova penell o baro Devel, ko ray pral o bolepen oun i phoub: Kal menshe penenn: O tsiro hi gomme gar kay, te boudras ap o kheer maro baro Deblestar.

Haggai 1:3

Koy pre penell o baro Devel:

Haggai 2:10

Ap o 24. (biish-te-starto) dives an o enyato čon an o douyto bersh, har o Darius o baro ray his, penas o baro Devel ap peskro rakepaskro, o Haggay:

Haggai 2:20

Ap o 24. (biish-te-starto) dives an ko čon rakras o baro Devel i douyto kopo ap o Haggay:

Haggai 2:21

Pen ap o Zorobabel, ko pralstuneste pral o them Youda: Me krau, te trissell o bolepen oun i phoub.

Haggai 2:4

Kanna penell t'menge o baro Devel: Avenn zoreles, tou, Zorobabel, oun tou Yeshoua, oun t'mer halauter, oun boudrenn! Me hom t'mentsa, penell o baro Devel, ko ray pral o bolepen oun i phoub.

Zakarie 1:1

An o orhtato čon an o douyto bersh, har o Darius o baro ray his, rakras o baro Devel ap peskro rakepaskro, o Zakarie. Koleskro dad his o Berekia, oun koleskro dad his o Iddo.

Zakarie 3:1

Oun o baro Devel moukas man te dikell o baro rashayes Yeshoua. Kova his tardo glan o bolepaskro o baro Deblestar. Oun ap leskri čači rig his o beng tardo, te čivell lo i doosh ap o Yeshoua.

Maleachi 1:8

Oun anenn mange i firho, hoy korelo, bango oder nasselo hi, oun penenn t'menge: Kova hi kek djoungelo koova. Me penau t'menge: Anenn sau firho t'maro themeskro rayeske, oun dikenn, hoy lo krell! Patsenn t'mer, te dikell lo lačes ap t'mende? Ko penell o baro Devel, ko ray pral o bolepen oun i phoub.

Louka 3:27

o Yohanan, o Resa, o Zorobabel, o Shealtiel, o Neri,