Habakuk 3:3 - O Debleskro Lab 2024 (Sinte-Manouche)

³ O Devel vell dran o them Teman, dran kol berge, hoy kharenn Paran. O bolepen hi pherdo leskro raylepen. Oun ap i tseli phoub sharenn les i menshe.

O Debleskro Drom 2021 (Sinte)

³ O Dewel well dran o them Teman, dran kol berge, hoi kharenn Paran. O bolepen hi pherdo leskro railepen. Un ap i tseli phub sharenn les i menshe.

Habakuk 3:3 Iomraidhean Croise

1. Mose 21:21

Oun yob djivas an ko moulo tato them, hoy kharella Paran. Oun leskri day las leske i romni dran o them Egiptia.

1. Mose 36:11

O Elifas las čave. Kolla his: o Teman, o Omar, o Zefo oun o Gatam oun o Kenas.

1. Rajengro liil 11:18

Oun yon van an o them Midian, oun djan doureder an o moulo them Paran. Oun dran Paran lan le morshen pentsa, oun van an o them Egiptia pash o Farao, ko ray pral Egiptia. Kova das o Hadadeste i kheer, rhapen oun i kotar phoub.

Debleskri gili 113:4

O baro Devel hi o ray pral i menshende an hake themma. Leskro raylepen djal dour pral o bolepen.

Debleskri gili 148:13

Kolla lauter mou sharenn o baro Debleskro lab. Leskro lab hi bareder har i tsele vavar laba. Leskro raylepen djal pral i phoub oun o bolepen.

Debleskri gili 3:2

Baro Devel, dik, har boud hi kolla, kay ap mande djan! Dik, har boud hadenn pen ap mande!

Debleskri gili 3:4

Tou, baro Devel, rike tiro vast pral mande! Tou hal kova, kay miro shero pale hadell, te hounte ladjap man gar.

Debleskri gili 4:4

Dikenn oun hayvenn: O baro Devel rodas kolen vin, kay kamenn les o tselo djiyestar. O baro Devel shounell man, te dau ap leste gole.

Debleskri gili 48:10

Maro Devel, kate an tiro kheer moukah menge tiro lačepen an o shero trouyel te djal.

Debleskri gili 68:17

T'mer berge, t'mer bergetikre sherya, hoske zilverenn t'mer ap koy berga, kolat o Devel peske vin rodas, te djivell yob kote? Ava, hako tsireske ačell o baro Devel koy.

Debleskri gili 9:16

I menshe an vavar themma, peran an koy rheb, hoy yon i vin hadan. An koy netsa, hoy yon vin čivan, tapran le pen kokres.

Debleskri gili 9:20

Baro Devel, ste pre! Mouk i menshen gar te hadenn le pen pral toute! An i menshen dran i tsele themma glan toute! Oun rake o čačepen pral lende vin!

2. Mose 20:18

Oun i tsele Israelitarya shounan, har o bolepen gole das, oun dikan, har yag dran o bolepen tele karye das. Ninna shounan le, har yek ap i phourdepaskri phourdas, oun dikan i yagakro dourho. Oun har yon kava shounan oun dikan, nashan le penge oun ačan i kotar doureder tardo oun trissan i daryatar.

Jesaja 31:1

Djungeles djal kolenge, kay djan tele pash i Egiptaryen, te mangenn le lendar, te venn yon lenge ap i rig; oun patsenn, kay kolengre graya oun boud kourepaskre vourdya oun kol zorele klissepangre len vin lenn dran i čilače vasta. Oun ap o Israeleskro Debleste, kay kokres o Devel hi, dikenn le gar. Ava, pal o baro Debleste poučenn le gar!

Jesaja 6:3

Oun yek das ap o vavareste gole oun penas: Lačo - oun čačo - har kek vavar - hi o baro Devel, ko ray pral o bolepen oun i phoub. I tseli phoub hi pherdo leskro raylepen!

Jesaja 64:3

An kek tsiro shounas yek i deblestar yaake har tou hal. Kek kand shounas savestar, oun kek yak dikas i debles, kay krell savo baro koova kolenge, kay dikenn ap leste.

Jeremia 49:7

Laba pral i Edomarya. Kava penell o baro Devel, ko ray pral o bolepen oun i phoub: Hi kanna bouder kek gosvepen an o foro Teman? Djinenn i goseve bouder gar, hoy te krenn le? Tserdas pes o gosvepen lendar krik?

Ezekiel 43:2

Oun kote dikom, har vas o raylepen o Israeleskro Deblestar foun kotar, kay o kham pre djal. Khetne ko raylepen vas i gole, har i gole, hoy bare panya denn. Oun dran o raylepen vas i momeli ap o tselo them.

Amos 1:12

Me bičrau i yag an o foro Teman, oun rhačrau i zorele khera tele an o foro Bozra.

Obadja 1:9

Oun i zorele kourepangre an o foro Teman lenn bari daar. Doleske vell hakeno ap i berge Esau maredo.

Habakuk 2:14

Yaake har o baro pani pherdo pani hi, vell i tseli phoub pherde menshe, kay djinenn, har raylo o baro Devel hi.

4. Mose 10:12

Oun kol Israelitarya djan dran ko moulo tato them Sinay. Oun koy folka djas glan lende oun ačas tardo an ko moulo tato them Paran.

5. Mose 33:2

O baro Devel vas oun rakras mentsa pash i berga Sinay. Yob vas yaake har o kham pre djal pral i berge Seir. Mer dikam leskro raylepen har hams pash i berga Paran. Khetne leha van boud zerya bolepangre. Ap leskri čači rig his i yag.

5. Mose 5:24

oun penan: “Dik, maro baro Devel sikras men peskro raylepen oun barepen. Oun mer shounam leskro rakepen dran i yag vin. Kava dives hayvam mer, te rakrell o baro Devel i menshentsa, oun o yon ačenn djides.

1. Samuel 25:1

Oun o Samuel meras, oun o tselo Israel vas khetne oun rovas kote pral leste. Oun palle paskran le les an o foro Rama, kay lo khere his. Pal kova djas o David an o moulo them Paran.