Habakuk 1:8 - O Debleskro Lab 2024 (Sinte-Manouche)

⁸ Lengre graya hi sikeder har i bare divye margodje. Oun yon dandrenn sikeder har i divye djoukle an i rati. Lengre boud lourde venna dran i dour them, oun klissenna yaake sik har i adlari tele djal, te taprell lo i firhes.

O Debleskro Drom 2021 (Sinte)

⁸ Lengre graja hi sikeder har i bare diwje margodje. Un jon dandrenn sikeder har i diwje djukle an i rati. Lengre bud lurde wenna dran i dur them, un klissenna jaake sik har i adlari tele djal, te taprell lo i vieches.

Habakuk 1:8 Iomraidhean Croise

Hiob 9:26

Miro djipen nashell yaake sik doureder har i sik bero oun har i baro čirklo, hoy moukell pes tele te perell ap i tikno firho, te taprell lo les.

Jesaja 11:14

Palle djan le khetne bari zoryah ap i Filistarya, kay kote djivenn, kay o kham tele djal. Oun khetne randenn le kolen vin, kay an i themma djivenn, kay o kham pre djal. I themma Edom oun Moab lenn le dren. Oun i Ammonarya hounte krenn, hoy yon penenn.

Jeremia 4:13

Dik, har volke vell ko marepaskro. Leskre kourepangre vourdya hi sik har i phourdepen, oun leskre graya hi sikeder har i adlari. Havi bibarht! Mer ham nashedo!

Jeremia 48:40

Kava penell o baro Devel: Dikenn, kova, kay marell o Moab, vell sik har i adlari, oun krell peskre moussya bourhles pral o them.

Jeremia 5:6

Doleske venna leve dran o veesh oun marenn len; divye djoukle dran o divyo oun trouk them dandrenn len an kotya, oun bare divye margodje lourenn glan lengre forya. Hakeno, koon vin vella, vella an kotya dandedo. Lengri doosh hi boud oun phari. Boud kope djan le mandar krik.

Jeremia 50:42

Len hi boge oun rhare. Yon hi midjak oun len khaytell kek. Ap graya klissenn le i golyah, hoy yaake baro hi har i gole, hoy o baro pani krell. Yon venna, te kourenn le pen touha, tou foro Babilon.

Ropaskre gilja 4:19

Kolla, kay men palla lan, his sikeder har i adlarya tel o bolepen. Ap o pralstouno them lan le men palla, oun an o moulo them louran le menge pre.

Ezekiel 17:12

Pen kol menshenge, kay moukenn pen či te penell: Hayvenn t'mer gar, hoy kova kamell te penell? O baro ray dran o them Babilonia vas an Yerusalem, oun las leskro baro rayes oun leskre pralstunen pandles, oun anas len pash peste an o foro Babilon.

Ezekiel 17:3

Pen lenge: Kava penell o baro Devel, maro ray: Kote his i baro adlari. Koles his bare moussya oun pesse shoukar phora troul peskro shero. Kova djas ap i berga Libanon oun phagas o pralstouno kotar i roukestar krik, hoy kharell cedera,

Ezekiel 26:11

I graya stakrenn tire tsele dromma paash. Tire menshe venn o rhareha moulo dino. Oun tire zorele barrengre turme perenn ap i phoub.

Hosea 8:1

O baro Devel penell: Phourde zoreles an i phourdepaskri! Har i adlari venn le pral miro them. Kolla kay kote djivenn, rikran pen gar ap kova, hoy lentsa vin krom, oun hadan pen pral mire laba.

Nahum 2:5

Har divyes oulerenn i vourdya ap i dromma! Yek hi sikeder har o vavar. Yon dikenn vin har yag, oun hi sik har koy yag, hoy har i karepen ap o bolepen pre oun tele djal.

Zefanja 3:3

Lengre pralstoune hi har leve, kay denn i bari gole. Lengre čačepangre morsha hi har divye djoukle an i rati, kay rhan lauter, hoy maran le, oun moukenn či pral o vavar diveske.

Mateo 24:28

Kote, kay i moulo mass čiddo hi, kote venn i bare divye čirkle khetne te rhan le.

Louka 17:37

Leskre mala poučan lestar: “Ray, kay vell kova?” Penas lo: “Kote, kay i moulo mass čiddo hi, kote venn i bare divye čirkle khetne te rhan le.”

5. Mose 28:49

Menshen dran i dour them, foun i vavar rig i phoubyatar, anell lo pral t'mende. Sik har i baro čirklo venn le pral t'mende. Lengro rakepen hayvenn t'mer gar.