Gosewe laba 8:4 - O Debleskro Lab 2024 (Sinte-Manouche)

⁴ Ap t'mende lauterende dau gole, miro rakepen hi hakeneske ap kay phoub.

O Debleskro Drom 2021 (Sinte)

⁴ Ap tumende lauterende dau gole, miro rakepen hi hakeneske ap kai phub.

Gosewe laba 8:4 Iomraidhean Croise

Debleskri gili 50:1

I gili o Asafestar. O Devel rakrell, o baro oun zorelo Devel dell i menshen ap i tseli phoub gole, kotar, kay o kham pre djas bis kote, kay lo tele djal.

Gosewe laba 8:3

Pash i foreskre voudya dell li gole, kote kay yek dran o foro vin djal, oun kote, kay yek an o foro dren djal:

Gosewe laba 8:5

Hayvenn t'mer či? Palle denn yak ap goseve laba! Han t'mer dinelo? Palle dikenn dren, hoy t'menge mishto hi!

Micha 1:2

Shounenn t'mer tsele themma! Denn yak, t'mer ap i tseli phoub! O baro Devel, maro ray an o bolepen, kamell t'mentsa te rakrell pral kova, hoy kran!

Mateo 11:15

Moukenn kova an t'maro shero trouyel te djal!

Johanni 3:16

O Devel kamas i menshen yaake boud, te das lo lenge peskro yek čaves. Les his kek vavar. Hakeno, koon patsell ap leste, djal gar nashedo. Yob lell ko djipen, hoy gar pre-herella.

Kolossarja 1:23

Yek koova hounte krenn t'mer: Ačenn ap o Yezouseskro drom! Patsenn zoreles ap leste! Moukenn gar tele, te dikenn ap kova, hoy t'men hi pash o Debleste! Rikrenn zoreles ap leskro lačo lab, hoy t'menge penlo vas! Ko lab vas penlo ap i tseli phoub. Ninna me, o Paulo, hounte penap ko lab i menshenge. Kova hi miri boudi.

Kolossarja 1:28

Oun kava Yezouseskro drom sikrah mer i menshende, oun penah hakeneske an o dji, te djal lo ap kava drom. Mer penah lenge o Debleskro lab yaake, te hayvenn le les mishto. O Devel kamella, te vell hakeno baro oun zorelo an o patsepen ap o Yezous Kristeste.

Debleskro tsiro 22:17

O Debleskro Dourho oun o terno bakreskri pirni penenna: “Ab!” Oun koon kova shounell, penella: “Ab!” Oun kones troush hi, kova vella! Koon kamell, kova lell čičeske o pani, hoy o djipen dell.