Gosewe laba 8:17 - O Debleskro Lab 2024 (Sinte-Manouche)

¹⁷ Me kamau kolen, kay man kamenn. Oun kolla, kay rodenn man o djiyestar, kolla hatsenn man ninna.

O Debleskro Drom 2021 (Sinte)

¹⁷ Me kamau kolen, kai man kamenn. Un kolla, kai rodenn man o djijestar, kolla hatsenn man ninna.

Gosewe laba 8:17 Iomraidhean Croise

2. Familjakro liil 34:3

Har lo an o orhtato bersh baro ray his, oun gomme i terno morsh his, rodas lo ko Debles, koles leskro phouro dad, o David, an-mangas. Oun an o 12. (deesh-te-douyto) bersh kras lo pes ap i boudi, te vitsrell lo dran o them Youda oun dran o foro Yerusalem kol rhorhene deblen oun figuren krik. Koy pashel his ninna i figure, hoy i debletsa Ashera sikrenn.

Debleskri gili 91:14

O Devel penell: “Yob kamell man o tselo djiyestar. Doleske lau les dran kova lauter vin. Yob prindjrell man. Doleske dau yak ap leste.

Gosewe laba 1:28

Palle denn le pal mande gole, oun me moukau či mandar te shounell. Palle rodenn le man oun hatsenn man gar.

Gosewe laba 2:4

Rode pal miro gosvepen, har te rodals roup oun i khatedo bravlepen!

Gosewe laba 2:5

Palle hayveh, har nay djiveh o baro Debleha, oun prindjreh les boud oun boudeder.

Gosewe laba 4:6

Ma mouk o gosvepen! Te hal gosevo, veh tou vin lino dran o čilačepen. Te kameh o gosvepen, hi lo har i zorelo kheer troul toute.

Gosewe laba 8:16

Mandar lenn i pralstoune pengri zoor, te penenn le i menshenge, hoy te krenn le. Mandar lenn i čačepangre raya pengri zoor, te rakrenn le o čačepen vin pral i menshende.

Sikepaskro 12:1

Yaake rah har terno hal, ma biste koles, kay tout kras! Oun djin, te venn kol čilače divessa oun kol bersha, kay tou peneh: “Yon hi mange gar mishto”!

Kamlepaskri gili 3:4

Har me lendar i tikno kotar doureder djom, hatsom les, koles miro dji kamell. Me taprom leskro vast, oun moukom les bouder gar mandar te djal, lom les khere pash mande, an miri dakri isema, kay boldo vom.

Jesaja 45:19

Me rakrom gar čorrhanes an i khatepen, kay kek shounell, oun penom gar ap o Yakobeskre čavende: Rodenn man čičeske! Me, o baro Devel, rakrau o čačepen, oun penau t'menge, hoy čačo hi.

Jesaja 55:6

Rodenn o baro Debles yaake rah yob moukell pes te hatsell! Denn les an-gole yaake rah yob gar dour hi!

Mateo 6:33

Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

Markus 10:14

Har o Yezous kova dikas, vas lo rhoyedo, oun penas ap lende: “Moukenn kol čaven pash mande te vell! Ma rikrenn len pale! Save har yon, kolen das o Devel gole, te djivenn le khetne leha an o bolepen.

Johanni 14:21

Koon mire laba shounella oun krell, hoy me penau, kova kamell man čačepah o djiyestar. Oun koon man kamella, koles kamell miro dad. Oun me kamau les ninna o djiyestar oun me sikrau leste, koon me hom.”

Johanni 14:23

Koy penas o Yezous ap leste: “Te kamell man yek o djiyestar, kova krell, hoy me penau. Koles kamell miro dad. Oun mer vah pash leste oun ačah pash leste.

Johanni 16:27

Miro dad kamell t'men ninna yaake har me kamau t'men. T'mer kamenn man o djiyestar oun patsenna, kay me o Deblestar vom. Doleske kamell t'men miro dad ninna o djiyestar.

Johanni 7:37

Ap ko pralstouno oun shoukeder dives, vas o Yezous pale glan kol tsele menshende, oun das gole: “Kones troush hi, kova te vell pash mande oun piyella!

Jakobo 1:5

Te djinell yek t'mendar gar, hoy o Devel lestar kamella, palle nay mangell lo o Debles, te sikrell yob leste kova. O Devel hi lačo, oun yob dell o djiyestar, ninna te veh tou boud kope pash leste.

1. Johanni 4:19

O Devel kamas men o djiyestar. Doleske kamah mer o Debles oun i menshen ninna.

1. Samuel 2:30

Doleske penell o baro Devel, kay o Israeleskro Devel hi: Čačepah, me penom, te venn i morsha dran tiro kheer oun dran tiro dadeskro kheer hako tsireske rashaya glan mande. Kanna penau, kova kamau bouder gar. Me krau kolen baro, kay man bares krenna. Oun kova, kay ap mande či della, ap koleste vell vitar či dino.