Gosewe laba 8:12 - O Debleskro Lab 2024 (Sinte-Manouche)

¹² Me hom o gosvepen, oun djinau, hoy čačo hi. oun nay penau vavarenge, hoy lenge mishto hi.

O Debleskro Drom 2021 (Sinte)

¹² Me hom o goswepen, un djinau, hoi tchatcho hi. un nai penau wawarenge, hoi lenge mishto hi.

Gosewe laba 8:12 Iomraidhean Croise

1. Familjakro liil 28:12

Koy pashel das o David les kol lila, kay pre činlo hi, hoy leske an o shero trouyel djas, har ko vavar koova vin dikell: kol glanstoune platse oun kol iseme, hoy troul o kheer venn, kay vell o bravlepen pre garedo, oun ko kouč koova, hoy i menshe o Debleske denna.

1. Familjakro liil 28:19

Kova lauter hi pre činlo an i liil, yaake har sikras o baro Devel o Davideste, har kava kheer kerdo hounte vell.

2. Familjakro liil 13:14

Oun har i lourde dran Youda pen trouyel rissran, dikan le, kol Israelitarya his glan lende oun ninna pal lende. Kote dan le ap o baro Debleste gole, oun i rashaya phourdan an i phourdepangre.

Debleskri gili 104:24

Baro Devel, har baro oun boud hi kova, hoy tou halauter kral! Har goseves kral tou halauter! I phoub hi pherdo o tselo koova, hoy tou kral.

2. Mose 35:30

O Mose penas ap o Israelitarya: “Shounenn, o baro Devel rodas o Bezalel vin. Leskro dad hi o Ouri, oun leskro papo hi o Hour, dran o kheer Youda.

Gosewe laba 1:4

Yaake venn ninna kolla gosevo, kolen či an o shero hi. Oun terne morsha hayvenn, hoy hounte krenn le, oun dikenn dren, hoy mishto hi.

Gosewe laba 8:5

Hayvenn t'mer či? Palle denn yak ap goseve laba! Han t'mer dinelo? Palle dikenn dren, hoy t'menge mishto hi!

Jesaja 28:26

Oun har yob kova hounte krell, sikras les o Devel, kova hoy yob djinell, vell lestar.

Remarja 11:33

Har baro hi o Debleskro lačepen ap lauterende! Har baro hi leskro gosvepen! Yob djinell halauter, hoy kek vavar nay djinella. Kek nay djinell, har yob rakrell o čačepen vin. Kek nay hayvell leskre tsele dromma.

Efesarja 1:11

Yob kras, te vam mer o Debleskre čave. Oun ko bolepaskro bravlepen, hoy leskro hi, vell ninna maro. Kova kamas o Devel glan i rah tsiro yaake. Oun lauter, hoy yob kamella, krell lo.

Efesarja 1:8

Boud kope his lo menge lačes, oun das men ninna gosvepen, te hayvas leskro drom.

Efesarja 3:10

Kanna dikenn i raya oun i pralstoune an o bolepen, har baro o Debleskro gosvepen hi. Kova dikenn le ap kova, hoy yob i patslenge kras.

Kolossarja 2:3

Yob kokres nay dell t'men o tselo gosvepen, te hayvenn o Debleskro lab mishto.