Gosewe laba 6:23 - O Debleskro Lab 2024 (Sinte-Manouche)

²³ Kova, hoy tiro dad oun tiri day touke pashel anan, hi har i momeli ap tiro drom. Te denn le tout trad, rikrenn le tout ap o drom, hoy o djipen anell.

O Debleskro Drom 2021 (Sinte)

²³ Kowa, hoi tiro dad un tiri dai tuke pashel anan, hi har i momeli ap tiro drom. Te denn le tut trad, rikrenn le tut ap o drom, hoi o djipen anell.

Gosewe laba 6:23 Iomraidhean Croise

1. Mose 39:8

Yob kamas kova gar oun penas ap late: “Dik, miro ray dikell ap či an peskro kheer, yaake rah har me koy hom. Lauter krau me. Oun hoy les hi, das yob an miro vast.

Debleskri gili 119:105

Tiro lab hi har i momeli, hoy sikrell, kay te djap, ava, i momeli ap miro drom.

Debleskri gili 119:130

Te hayvah tiro lab, palle krell men kova barhtelo, oun ninna kolla, kay či djinenn, venn gosevo.

Debleskri gili 141:5

Lače menshe mou denn man i phagi, oun čingrenn mantsa an o lačepen. I čilačendar kamau gar, te sharenn le man. Oun me mangau o Deblestar, te krenn le mange kek čilačepen.

Debleskri gili 19:8

O baro Debleskre laba hi lauter čačo oun krenn mare djia zorelo. O baro Debleskro rakepen hi lačo, oun krell i dinelen gosevo.

Gosewe laba 10:17

Kova, kay shounell ap koleste, kay dell les trad, kova djal ap o drom, hoy anell o djipen. Kova, kay kamell gar te shounell, hi ap i drom, kay djal lo nashedo.

Gosewe laba 15:24

Kova, kay hayvell, hoy mishto oun gar mishto hi, koleske djal peskro drom pre an o djipen. Oun yob rikrell pes pale o dromestar, kay djal tele pash i moulende.

Gosewe laba 15:31

Te shouneh ap yekeste, kay penell touke, hoy touke mishto hi, palle hal mashkral i gosevende.

Gosewe laba 29:15

Te lell i čavo i phagi oun vell leske penlo, hoy lo gar mishto kras, palle vell lo gosevo. I čavo, kay ap peste kokres yak hounte dell, savo anell ladj ap peskri date.

Gosewe laba 3:18

Har i rouk, hoy o djipen dell, hi o gosvepen hakeneske, kay les an peste pre-lell. Barhtele hi lauter, kay o gosvepen an pengre djia rikrenn.

Gosewe laba 4:13

Ač pash kova, hoy touke siklo vas, mouk kova gar! Rike tout ap kol goseve laba! Dran lende vell tout i lačo djipen.

Gosewe laba 4:4

kote sikras lo man, har te djivap, oun penas: An tiro dji le mire laba pre oun biste len gar! Rike ap mire laba, palle djiveh.

Gosewe laba 5:12

oun peneh: “Har dinelo homs, har dom gar yak, hoy mange penlo vas. Hoske shounom gar ap koleste, kay das man trad?

Sikepaskro 7:26

Oun me hatsom čomone, hoy shoutleder hi har o merepen, – i djouvel, kay i morshen taprell; kolakro kamlepen hi har dorya, kolentsa len pandell li; lakre moussya, hoy le troul lende čivell hi har shelle. I morsh, kay mishto hi glan o Debleskre yaka, kova nay nashell peske latar; o dinelo vell latar tapedo.

Sikepaskro 7:5

O mensheske hi feteder te shounell lo ap i goseveste, kay čingrell leha, har te shounell lo ap i gilya, kolentsa i dinele les sharenn.

Jesaja 8:20

Rikrenn t'men ap o Debleskro drom, oun ap kova, hoy yob t'mende sikrell! Te penenn i menshe t'menge vavar koova, palle vell lenge kek momeli ap lengro drom.

Jeremia 21:8

Oun ap kal menshende an o foro Yerusalem pen: Kova penell o baro Devel: T'mer nay rodenn t'menge vin, hoy kamenna: o djipen oder o merepen.

Ezekiel 20:11

Oun kote penom lenge, hoy lendar kamau, har te djivenn le pal miro čačepen. Miro čačepen hi kova, koleha i mensho djido ačell, te rikrell lo pes ap leste.

3. Mose 19:17

Te rhoyral tout pral yekeste tire menshendar, ma hidje tiri rholi touha trouyel. Pen leske, hoy lo gar mishto kras, te aness kek doosh ap toute.

2. Petro 1:19

Doleske djinah mer čačepah, kay kova čačo hi, hoy o Debleskre rakepangre penan. T'mer krenna mishto, te denn garda koy pre. Ko lab hi har i momeli, hoy rhačella an i rat, bis te vell o dives. Palle djal i rayli momeli an t'mare djia pre.

Debleskro tsiro 2:5

Moukenn t'menge kova an o shero te djal, har dour t'mer mandar tele peran. Avenn pale o tselo djiyeha pash mande! Djivenn ko djipen, hoy djivan, har t'maro patsepen ap mande terno his. Te krenn kova gar, palle vau, oun lau t'mari momeli krik, oun čivrau lat ap i rig.