Gosewe laba 6:15 - O Debleskro Lab 2024 (Sinte-Manouche)

¹⁵ Doleske vell leskri bibarht sik pral leste. Sik hi lo doukedes ap i phoub čiddo, oun kek sastepen hi leske koy.

O Debleskro Drom 2021 (Sinte)

¹⁵ Doleske well leskri bibacht sik pral leste. Sik hi lo dukedes ap i phub tchiddo, un kek sastepen hi leske koi.

Gosewe laba 6:15 Iomraidhean Croise

2. Familjakro liil 36:16

Yon sanan o Debleskre bičepangren vin. Oun leskre laba his lenge či moldo, oun yon rikran o Debleskre rakepangre dineleske. Doleske vas o baro Debleskri rholi yaake phares pral peskre menshende, te nay van le gar vin lino koy dran.

Debleskri gili 50:22

T'mer, kay kamenn či mandar te djinell, hayvenn, hoy penom, te vap gar oun dap t'men, oun kek hi koy, kay lell t'men vin dran miro vast.

Debleskri gili 55:15

Mer hayvam men yaake mishto, oun djam khetne an o Debleskro kheer.

Gosewe laba 1:26

Yaake kamau me ninna te sal, te vell i bibarht pral t'mende, ava, me sau, te vell kova, hoy darenna,

Gosewe laba 1:27

oun vell pral t'mende har i zorelo baro dourho; te vell i bibarht pral t'mende har i phourdepen, hoy lauter khetne phagell; te vell i pharo tsiro oun bari daar pral t'mende.

Gosewe laba 14:32

O čilačo vell tele vitsedo dran leskro čilačepen. Kova, kay an o čačepen tardo hi, koleskro patsepen rikrell les ninna gomme an o merepen.

Gosewe laba 24:16

Kova, kay an o čačepen tardo hi, nay perell efta kope, hako kopo stell lo pale pre. I čilače perenn an i bibarht.

Gosewe laba 24:22

Sik vell i bibarht pral savende. Nay djineh tou, havi bibarht o baro Deblestar oun o baro rayestar nay vell?

Gosewe laba 29:1

Koon moukell pes či te penell, oun djal hako tsiro pal peskro shero, savo vella ap yek kopo phagedo, oun kek hi palle koy, kay hadell les pale pre.

Gosewe laba 6:16

Shob koova hi, ap kolende dikell o baro Devel rhoyedes; oun i eftato koova hi leske o djoungleder:

Jeremia 19:11

Pen ap lende: Kova penell o baro Devel, ko ray pral o bolepen oun i phoub: Me dau paash kal menshen oun kava foro, har deh zoryah i khoro yaake paash, kay nay kreh kova gar bouder tselo. Oun i menshe paskrenn i moulen ap i platsa Tofet, – kek vavar platsa hi lenge koy.

Ezekiel 11:13

Oun har rakrom kal laba vin, hoy o Devel man das, meras o Pelatya, koleskro dad o Benaya his. Oun me moukom man ap i phoub te perell, oun dom bari gole: Baro Devel, miro ray! Kameh tou halauteren moulo te dell, kay i Israelendar pral ačan?

1. Tessalonikarja 5:3

Te penenn i menshe: “Lauter hi mishto, kek kourepen hi kay, oun men hounte vell kek daar”, palle vell i bibarht pral lende, oun yon nay nashenn gar krik. Koy bibarht vell pral lende yaake sik, har i douka venn pral i djouvyate, kay lell i ternepen.