Gosewe laba 5:22 - O Debleskro Lab 2024 (Sinte-Manouche)

²² O čilačo koova pandell koles, kay kova krella. Leskri doosh hi har shelle, hoy les pandenn.

O Debleskro Drom 2021 (Sinte)

²² O tchilatcho koowa pandell koles, kai kowa krella. Leskri doosh hi har shelle, hoi les pandenn.

Gosewe laba 5:22 Iomraidhean Croise

1. Rajengro liil 18:18

Yob penas: “Gar me anom o Israel an i bibarht dren. Kova hal tou oun tiro dadeskro kheer. T'mer moukan i laba o baro Deblestar oun nashan ko debleske palla, kay kharella Baal.

Ester 9:25

An ko liil his ninna tardo, har i Ester pash o baro rayeste djas oun har kova an i liil penas, te vell o Hamaneha ko čilačo koova kerdo, hoy yob kamas i biboldentsa te krell. Oun yaake vas o Haman oun peskre čave ap i bare kashta pre bladedo.

Hiob 18:8

Leskre pire taprenn pen an i netsa, oun yob perell an i čakedi grouba.

Debleskri gili 40:12

Baro Devel, mouk tiro dji hako tsiro mange pre te vell! Tou kameh man oun hal mange lačes. Doleske rike tiro vast pral mande hako tsiro!

Debleskri gili 9:15

Palle djau an i voudya tiro forestar Sion dren, oun rakrau lauterentsa pral ko lačepen, hoy tou ap mande kral, oun sharau tout i barhtelo djiyeha, kay tou man dran i bibarht vin lal.

Debleskri gili 9:17

O baro Devel sikras, koon yob hi, oun das i čilačende pengri phagi. I čilače pandan pen an koy netsa, hoy yon pengre vastentsa kran.

Gosewe laba 1:18

Hi gar yaake kal morshentsa: Yon kamenn i vavaren te marell, oun hayvenn gar, te perenn le kokres an pengri netsa.

Gosewe laba 11:3

Lengro djoudjo dji anell i lačen ap o čačo drom. Ko midjak koova, hoy i phoukepangre krenn, vell ap lende pale oun phagell len.

Gosewe laba 11:5

Ko čačo koova, hoy o Debleskre menshe krenna, krell lengre dromma čačo. Ko čilačo nashrell pes an peskro čilačo koova.

Gosewe laba 11:6

Ko čačo koova, hoy o Debleskre menshe krenna, lell len vin dran o merepen. I phoukepangre venn tapedo an pengri bok pal i love.

Gosewe laba 12:14

Koon lačepen rakrella, djivell ninna lačes. I mensho lell pale, hoy lo peskre vastentsa krell.

Gosewe laba 14:32

O čilačo vell tele vitsedo dran leskro čilačepen. Kova, kay an o čačepen tardo hi, koleskro patsepen rikrell les ninna gomme an o merepen.

Gosewe laba 18:7

O rakepen o dinelestar anell les an i bibarht. Oun yob taprell pes kokres an peskre laba.

Gosewe laba 24:12

Te peneh tou: Mer djinam kova gar! Palle djiness: Kova, kay an i djia dikell, hayvell les. Oun kova, kay ap tiro djipen yak dell, kova djinell les. Oun yob dell o menshes kova pale, hoy lo kras.

Gosewe laba 26:27

Kova, kay i vavareske i grouba vin hadas, kova perell kokres dren. Oun yek, kay vitsrell i bar, ap koleste perell lo pale tele.

Sikepaskro 7:26

Oun me hatsom čomone, hoy shoutleder hi har o merepen, – i djouvel, kay i morshen taprell; kolakro kamlepen hi har dorya, kolentsa len pandell li; lakre moussya, hoy le troul lende čivell hi har shelle. I morsh, kay mishto hi glan o Debleskre yaka, kova nay nashell peske latar; o dinelo vell latar tapedo.

Jeremia 2:19

Dran tiro čilačepen vell kova ap toute. Tou shounal gar. Doleske leh tou savi phagi. Tou hounte djiness oun hayvess, havo pharo koova oun douka ap koleste venna, kay djal peskro baro Deblestar krik, oun kamell lestar bouder či te djinell. Kova penell o baro Devel, ko ray pral o bolepen oun i phoub.

Ropaskre gilja 1:14

Ko boud čilačo koova, hoy krom, hi phares ap mande čiddo. O baro Devel čivas les ap mire phika. Oun me phagom khetne tel kova. O baro Devel das man an i vasta kolendar, kay nay vau kokres bouder gar vin.

Obadja 1:15

O dives vell sik, kay vell miri rholi pral i tsele themma ap kay phoub, penell o baro Devel. Yaake har tou kral, yaake vell touke kerdo. Kova hoy tou kral, vell ap tiro shero pale.

4. Mose 32:23

Te kamenn t'mer kova gar te krell, palle lenn i doosh ap t'mende glan o baro Debleste. Oun kova dikenn t'mer, te vell koy phagi ap t'mende.

Hebrearja 13:4

Kolla, kay romedino hi, hounte bistrenn gar, te hi yon romedino. O rom hounte vell gar khetne i vavar djouvyah, oun i romni hounte vell gar khetne i vavar morsheha. Djinenn, o Devel dell i phagi kol morshende, kay rhorhenn pengri romyat, oun kol djouvyende, kay rhorhenn pengro romes, ninna lauterende, kay loubrenn trouyel.

Čačepangre 20:41

Oun i morsha dran Israel nashan bouder gar lendar krik oun rissran pen. Koy tapras i Benyaminarya i bari daar. Oun yon hayvan, te vas i bibarht pral lende.

Čačepangre 9:57

Oun ninna o čilačepen, hoy i morsha dran o foro Sichem kran, moukas o Devel ap lengre shere pale te vell. Oun yaake vas koy bibarht pral lende, hoy o Yotam vin rakras, koleskro dad o Gideon hi.