Gosewe laba 5:21 - O Debleskro Lab 2024 (Sinte-Manouche)

²¹ O baro Devel dikell, har hakeno djivell. Kova, hoy hakeno krella, djinell lo.

O Debleskro Drom 2021 (Sinte)

²¹ O baro Dewel dikell, har hakeno djiwell. Kowa, hoi hakeno krella, djinell lo.

Gosewe laba 5:21 Iomraidhean Croise

2. Familjakro liil 16:9

O baro Debleskre yaka dikenn an i tsele themma, te dell lo zoor kolenge, kay rikrenn pen pengro tselo djiyeha ap leste. Tou rikral tout dineles an kava koova. Doleske vell foun kava tsiro kourepen pral toute.”

Hiob 14:16

Tou dals yak ap mire dromma, dals gar yak, havi doosh me ap mande laus!

Hiob 24:23

Yob moukell len te patsell, te djal lenge či. Oun lell hako koova an o yak, hoy le krenn.

Hiob 31:4

O Devel dikell halauter, hoy krau, oun djinell, havo drom mire pire djan.

Hiob 34:21

O Devel lell hako koova an o yak, hoy i mensho krell, oun dikell les, kay lo ninna djal.

Debleskri gili 11:4

O baro Devel hi an peskro raylo baro kheer. Leskro rayeskri beshepaskri hi an o bolepen. Leskre yaka dikenna tele ap i menshende, oun yob lell len an o yak.

Debleskri gili 119:168

Me rikrau tire laba, hoy menge penenn, hoy te kras oun har te djivas; lauter, hoy krau, dikeh tou.

Debleskri gili 17:3

Tou djineh, hoy mange an o shero djal. Ninna an i rati dikal palla, har an miro dji vi-dikella, oun hatsal či an mande, hoy gar mishto hi. Ninna kek čilačo lab vas dran miro mouy vin.

Gosewe laba 15:3

I yaka o baro Deblestar dikenn lauter, kova, hoy i čilače krenna, oun kova, hoy i lače krenna.

Gosewe laba 4:26

De yak te djas i čačo drom! Oun rake tiro djiyeha pral lauter hoy kreh!

Gosewe laba 5:6

Yoy djal gar ap o drom, kay anell o djipen. Lakro drom hi bango, oun yoy dikell kova gar.

Jeremia 16:17

Mire yaka dikenn halauter, hoy yon krenna. Yon nay khatrenn pen gar glan mande. Lengri doosh hi glan mire yaka tardo.

Jeremia 17:10

Me, o baro Devel prindjrau o mensheskro dji, oun dikau dour dren an kova, hoy an leste hi, oun dau hakeneste pal kova, hoy yob kras.

Jeremia 23:24

Kek nay khatrell pes yaake čorrhanes, te dikau les gar, penell o baro Devel. Kek platsa hi an o bolepen oun ap i phoub, kay me gar hom. penell o baro Devel.

Jeremia 29:23

Koy phagi vas ap lende doleske, kay kran le i vi-ladjedo koova an Israel, oun lan penge romyen, kay romedino hi, oun penan an miro lab čomone glan-vi, hoy rhorhepen his, hoy me lenge gar an o mouy čivom. Me djinau, hoy le kran, me dikom les, penell o baro Devel.

Jeremia 32:19

Tou leh touke baro koova glan, oun hoy kreh, hi zorelo. Oun tire yakentsa dikeh i tsele dromma i menshendar, te dess hakenes pal kova, har yob djivas oun hoy lo kras.

Hosea 7:2

Oun kova djal gar an lengro shero dren, te djinau me lengro tselo čilačepen. Lengro čilačo koova hi troul lende trouyel, oun hi mange tardo glan mire yaka.

Hebrearja 4:13

O Devel dikella lauter. Či an mende hi khatedo glan leskre yaka. Lauter hi pre čakedo glan leste. Oun leske hounte penas mer halauter, hoy kram.

Debleskro tsiro 2:18

“Čin kava liil ap o Debleskro boudepaskro, kay dell yak ap i patslende an o foro Tiatira: Kava penell o Debleskro čavo, koles hi yaka har i yag, oun herya har sonakay.

Debleskro tsiro 2:23

Oun kolakre čaven dau moulo. Palle hayvenn i tsele patsle, te hom me kova, kay halauter prindjrella, hoy i menshen an o shero oun an o dji hi. Oun hakeno, kay čilačo koova kras, kova lell mandar koy phagi pal kova, hoy yob kras.