Gosewe laba 5:19 - O Debleskro Lab 2024 (Sinte-Manouche)

¹⁹ I kamli vesheskri groumni hi li, i shoukar divyi bouzni. Kokres mank lakre čoučya čivess tout. Kokres an lakre moussya hatseh tiri barht.

O Debleskro Drom 2021 (Sinte)

¹⁹ I kamli wesheskri grumni hi li, i shukar diwji busni. Kokres mank lakre tchutchja tchiwess tut. Kokres an lakre mussja hatseh tiri bacht.

Gosewe laba 5:19 Iomraidhean Croise

2. Samuel 12:4

Har pash ko braveleste yek vas, kamas lo gar yek peskre bakrendar te marell, vitar gar yek peskre groumyendar, te krell lo koleske čomone te rhal, kay pash leste vas. Na-a! Yob las ko bakro ko čorvelestar, oun kras koleske i rhapen, kay vas pash leste.”

Gosewe laba 5:15

Pi dran tiri brounna! Tout hi lačo pani, hoy nashella. Pi kolestar!

Gosewe laba 5:20

Miro čavo, hoske rodeh tiri barht pash i vavareskri romni? Hoske kameh i vavar romyat trouyel te taprell?

Kamlepaskri gili 2:17

O dives te vell shila, oun o kham djal tele, ab pash mande, miro pirno! Ab sik har i vesheskri bouzni, har i terno tserfo ap i barrengre berge!

Kamlepaskri gili 2:9

Miro pirno hi har i terni vesheskri bouzni har i terno tserfo. Kate hi lo! Pal maro kheer! Oun dikell an i vorhni, mank i kashta dren.

Kamlepaskri gili 4:5

Tire douy čoučya hi har douy terne vesheskre bouzya, kay hi čiddo mank i lilya.

Kamlepaskri gili 7:3

Tiro gali hi har i čaro, kay hako tsiro mool dren hi. oun har i berga sonakaskro djob. Oun lilya hi koy trouyel tardo.

Kamlepaskri gili 8:14

Naash, miro pirno! Ab sik har i vesheskri bouzni oun har i terno tserfo ap i berge, kay i bourra tardo hi, hoy soungenna lačo.