Gosewe laba 4:24 - O Debleskro Lab 2024 (Sinte-Manouche)

²⁴ Mouk kek rhorhene laba dran tiro mouy te vell! Tiro rakepen te vell mishto oun čačo!

O Debleskro Drom 2021 (Sinte)

²⁴ Muk kek chochene laba dran tiro mui te well! Tiro rakepen te well mishto un tchatcho!

Gosewe laba 4:24 Iomraidhean Croise

Hiob 11:14

Te kral čilačepen, mouk tele kolestar, te vell kek čilačepen an tiro kheer hatslo.

Debleskri gili 34:14

Palle denn garda ap t'mari čip, te rakrell li kek čilačepen oun kek rhorhepen!

Gosewe laba 10:32

O rakepen kolestar, kay an o čačepen tardo hi, krell barhtelo. O rakepen i čilačendar doukrell.

Gosewe laba 17:20

Yek douy djiyentsa hatsell kek lačepen. Oun yek douy čipyentsa perell an i bibarht.

Gosewe laba 19:1

Hi feteder te hal an o čačepen tardo oun djiveh an čorvlepen, har te vess i dinelo, kay rakrell rhorhepen.

Gosewe laba 4:25

Mouk touke či an i yaka te vell! Dik glan toute oun gar čačes oun serves!

Gosewe laba 6:12

I čilačo mensho oun i či-moldo hi kova, kay rhorhepen rakrell,

Gosewe laba 8:13

Kova, kay kamell o baro Debleha te djivell, kova kamell o čilačepen gar glan peskre yaka te dikell, kova dikell gar tele ap o vavareste oun phourdell pes gar pre, kova djal gar i čilačo drom, oun rakrell kek rhorhepen.

Gosewe laba 8:8

Lauter, hoy rakrau, hi čačo. An miro rakepen hi kek rhorhepen, či hoy gar čačo hi.

Ezekiel 18:31

Moukenn t'mare čilače dromma! Oun lenn t'menge i nevo dji oun i nevo dourho! Hoske kamenn t'mer te merell, t'mer dran o kheer Israel?

Kolossarja 3:8

Kanna djivenn t'mer bouder gar t'maro phouro djipen. Doleske čivenn i rholi t'mendar krik, ninna o čilačepen, o djoungelo rakepen pral o vavareste, vi-ladjede laba! Ma rhorhenn t'men!

1. Timoteo 6:5

Savo čingepen djal doureder oun doureder. Kolla, kay krenn kova, hi nasselo an o shero oun hayvenn bouder gar, hoy o čačepen hi. Yon patsenna, te nashte lenn le boud love khetne, te krenn le, hoy o Devel kamella.

Jakobo 1:21

Doleske moukenn hako djounglepen oun čilačepen! Oun patsenn ko lab, hoy o Devel an t'mende čivas! Krenn kova i lačo djiyeha! An o Debleskro lab hi koy zoor, te lell lo t'men dran o čilačepen oun o merepen vin.

Jakobo 1:26

Te penell i mensho: “Me djivau pal o Debleskro lab,” oun yob rikrell peskro mouy nay gar, kova rhorhell pes kokres. Oun kova, hoy yob o Debleske krella, hi či moldo.

1. Petro 2:1

Doleske moukenn hako čilačo koova! Ma rhorhenn! Ma rakrenn douy čipyentsa! Ma zilverenn! Rakrenn kek djoungelo koova pral kekeste!