Gosewe laba 30:10 - O Debleskro Lab 2024 (Sinte-Manouche)

¹⁰ Ma an rhorhepen pre ap i boudepaskro pash leskro rayeste, te rakrell yob kek bibarht pral toute vin, oun tou hounte playsress koleske.

O Debleskro Drom 2021 (Sinte)

¹⁰ Ma an chochepen pre ap i budepaskro pash leskro rajeste, te rakrell job kek bibacht pral tute win, un tu hunte plaissress koleske.

Gosewe laba 30:10 Iomraidhean Croise

1. Mose 8:21

Oun o baro Devel soungas ko lačo soungepen oun penas ap peste: “Me dau man sovel, te anau bouder gar havi bari bibarht pral i phoub doleske, hoy i menshe krenna. Djinau, o mensheskro dji hi čilačo foun tiknes pre. Me kamau bouder gar o tselo djipen ap i phoub te marell, yaake har krom.

Gosewe laba 11:26

Kova, kay djob pale rikrell, pral koleste rakrenn le bibarht vin. Oun barht rakrenn le vin pral koleste, kay djob bikrell.

Gosewe laba 28:27

Kova, kay dell i čorveleste, koles vell doha djipaske. Kova, kay yaake krell, har te dikell lo o čorveles gar, pral koleste rakrenn boud i bibarht vin.

Sikepaskro 7:21

De či ap ko tselo rakepen, hoy i menshe rakrenna! Nay vals te shouneh, har tiro boudepaskro pral toute čingrell.

Daniel 6:13

Oun yon djan pash o baro rayeste oun rakran leha pral ko lab, hoy moukas lo vin gole te dell, oun penan: “Maro baro ray, moukal tou gar save laba pre te činell, oun čival tiro lab koy tele, te vell hakeno pash i leve an i grouba vitsedo, kay mangell an kal triyanda (30) divessa, hoy venn, i vavarestar čomone oun gar toutar, te vals i deblestar har ninna i menshestar?” Oun o baro ray penas: “Ava, kova hi čačo. Oun ko lab hi gar pale te lell. Yaake hi o čačepen pash i Medarya oun i Persarya.”

Daniel 6:24

Kote stas o baro rayeskro dji i barhtyatar. Oun yob penas, te lenn le o Danieles vin dran koy grouba. Oun o Daniel vas vin lino, oun kek doukepen vas ap leste hatslo, doleske kay rikras yob zoreles ap peskro Debleste.

Remarja 14:4

Kova hi gar tiro koova, te peneh pral i vavareskro boudepaskro: “Kova, hoy yob kras, hi gar mishto.” Leskro ray kokres nay penell: “Kova hi mishto, kova hi gar mishto.” Oun maro ray, o Yezous Kristo, les hi i zoor, te rikrell lo les pash peste, yaake te ačell lo tardo an o patsepen.

5. Mose 15:9

De tout yak, te vell touke gar an o dji, te dess les či doleske, kay ko eftato bersh gar bouder dour hi. Ma pen touke: Palle hounte moukap leske koy tseli siyaan. Oun yaake dikeh čilačes ap leste oun deh leste či. Oun yob dell gole ap o baro Debleste pral toute. Oun ap toute vell i doosh!

5. Mose 23:15

T'maro baro Devel djal t'mentsa oun hi mashkral t'mende ap i platsa, te vell lo t'menge ap i rig, oun te krell lo t'men zorleder har kol vavar, kolentsa kourenn t'men. Doleske hounte vell t'mari platsa djoudjo. Kek vi-ladjedo koova te vell mank t'mende diklo, te djal lo gar peske t'mendar.

1. Samuel 24:9

Kote stas o David ninna pre, oun djas ninna vin, oun das pal o Sauleste palla gole: “Miro baro ray!” Oun o Saul rissras pes trouyel. Oun o David vitsras pes glan leste tele o mouyeha ap i phoub,

1. Samuel 26:19

Oun kanna, miro ray oun pralstouno, shoun ap i laba, hoy me, tiro boudepaskro, rakrau. Te anas o baro Devel tout ap mande pre, palle vell leske i rhapen rhačedo, te djal leskri rholi krik. Te anan tout menshe ap mande pre, mou vell o Debleskri bibarht ap lende! Yon tradenn man vin dran o baro Debleskro them. Kova hi yaake har te penans le: Dja an i vavar them, oun mange vavar deblen an!

1. Samuel 30:15

Oun o David poučas lestar: “Kameh tou man pash kol marepangre anell?” Oun yob penas: “De tout ap o Debleste sovel, te deh man gar moulo, oun te deh man gar an o vast miro rayestar, palle anau tout tele pash kal marepangre.”