Gosewe laba 3:33 - O Debleskro Lab 2024 (Sinte-Manouche)

³³ O baro Devel čivell i bibarht ap o kheer i čilačendar, oun barht ap o kheer kolendar, kay an o čačepen tardo hi.

O Debleskro Drom 2021 (Sinte)

³³ O baro Dewel tchiwell i bibacht ap o kheer i tchilatchendar, un bacht ap o kheer kolendar, kai an o tchatchepen tardo hi.

Gosewe laba 3:33 Iomraidhean Croise

2. Samuel 6:11

Yaake ačas o baro Debleskro morhton triin čon an koleskro kheer. Oun o baro Devel čivas peskri barht oun zoor ap leste oun ap leskro tselo kheer.

Hiob 24:18

O čilačo vell sik krik hidjedo har i patri ap o pani. Ap leskro kotar phoub hi i praasepen čiddo. Pash peskre drakengre rouka djal lo bouder gar.

Hiob 31:12

Savi doosh vals har i yag, hoy man tseles rhačrell, oun ninna halauter, hoy man hi, pre rhals.

Debleskri gili 1:3

Kova hi har i rouk, hoy tardo hi pash o pani. Ap o čačo tsiro venn leskre roukengre baro. Oun leskre patria ačenn zenelo. Lauter, hoy yob krella, djala mishto.

Debleskri gili 37:22

Kol menshe, ap kolende o baro Devel peskri barht čivas, lenn ko them. Kolla, ap kolende o baro Devel i bibarht čivas, kolendar ačell kek.

Debleskri gili 91:10

Doleske vell kek bibarht ap toute, oun kek nasslepen nay vell an tiro kheer.

Gosewe laba 10:6

O Debleskri barht hi čiddo ap koleste, kay an o čačepen tardo hi. An o rakepen i čilačendar hi lengro djoungelo koova khatedo.

Gosewe laba 14:11

O kheer o čilačestar vell tele phagedo, i familyake kolestar, kay djal o čačo drom, djal mishto oun vell bareder.

Gosewe laba 15:6

Kova, kay an o čačepen tardo hi, les hi boudeder har les hounte vell djipaske. Kova, hoy i čilačo khetne lell, anell leske bibarht.

Gosewe laba 21:12

O Devel hi an o čačepen tardo, oun lell o čilačeskri familya an i yak, oun vitsrell i čilačen an i bibarht.

5. Mose 11:28

I bibarht vell ap t'mende, te shounenn t'mer gar ap i laba t'maro baro Deblestar, oun djan leskro dromestar tele, oun djan vavar deblenge palla, kolen t'mer gar prindjrenn.

5. Mose 7:26

T'mer hounte anenn kek savi figura an t'mare khera, te venn t'mer gar lentsa khetne moulo dino. Čačepah, dikenn ap lende har ap i djoungelo koova, oun denn len paash.

Josua 6:18

T'mer, denn yak, te lenn t'menge či kolestar, hoy hounte vell moulo dino. Kova te krenn t'mer, palle anenn t'mer bari bibarht oun o merepen pral i tsele Israelitarya.

Josua 7:13

Ste pre, oun kre, te venn i menshe pale erligo glan mande! Pen lenge: Krenn t'men djoudjo, te nay venn glan o Debleste taysarlake! Me, o baro Devel, hom o Israeleskro Devel oun penau t'menge: Mank t'mende, t'mer Israelitarya, hi čomone, hoy miro hi. Doleske nay venn t'mer bouder gar zorelo pral kolende, kay kourenn pen t'mentsa, yaake rah, har anan t'mer ko koova gar dran t'mende krik.