Gosewe laba 3:3 - O Debleskro Lab 2024 (Sinte-Manouche)

³ Djib hako tsiro an o lačepen oun an o čačepen! Pande mire laba har i verkli troul tiri meen, oun čin len an tiro dji!

O Debleskro Drom 2021 (Sinte)

³ Djib hako tsiro an o latchepen un an o tchatchepen! Pande mire laba har i werkli trul tiri meen, un tchin len an tiro dji!

Gosewe laba 3:3 Iomraidhean Croise

2. Samuel 15:20

Taysar val tou, oun kay dives nashals touke mentsa kay oun koy? Me djinau gar, kay te djap. Risse trouyel oun le kol vavaren dran Gat touha. Lačepen oun čačepen mou vell ap tiro drom!”

Debleskri gili 119:11

Me rikrau tiro lab an miro dji, te anap kek doosh ap mande.

Debleskri gili 25:10

I tsele dromma hi lačo oun čačo, kay o baro Devel kolen anell, kay rikrenn pen ap leskre laba oun krenn, hoy yob lenge penell.

Debleskri gili 85:10

Čačepah, yob hi ap kolengri rig, kay leha djivenna oun ap leste shounenna. Oun leskro raylepen ačell an maro them.

2. Mose 13:9

Kava vell touke har i sikepen ap tiro vast, oun i sikepen mashkral tire yaka, te bistress tou kova gar, oun peness i vavarenge, har las tout o baro Devel peskro zorelo vasteha vin dran o them Egiptia.

2. Mose 34:6

Yob djas glan o Moseste doureder oun das gole: “Me hom o baro Devel. O baro Devel hom me. Man hi i baro dji, pherdo kamlepen. Me vau gar sik rhoyedo. Miro lačepen hi baro oun me dau mire menshen gar pre.

Gosewe laba 1:9

Kova hi touke har i shoukar stadi ap tiro shero, har i verkli troul tiri meen.

Gosewe laba 14:22

Kolen, kay čilačepen an o shero hi, kolla djan nashedo. Kolla, kay kamenn o lačepen te krell, kolenge hi i vavar menshe lačes oun rikrenn ap lende.

Gosewe laba 16:6

Ab lačes oun rike pash o Debleste, oun yob bistrell tiri doosh. Te djiveh leha, rikreh tout pale o čilačepastar.

Gosewe laba 20:28

O baro rayeske ačell leskri rayeskri zoor yaake rah har lo o lačepen oun o čačepen krella.

Gosewe laba 6:21

Čip lengre laba an tiro dji, pande len touke troul tiri meen har i verkli.

Gosewe laba 7:3

Pande len troul tiro goushto, čin len an tiro dji!

Jeremia 17:1

T'mer menshe an o them Youda, t'maro čilačepen hi dren činlo an t'mare djia, oun ap kol shinga ap kol rhačepangre, kay t'mer firhen rhačrenn. Ko čilačepen hi yaake dren činlo, te nay krenn kova gar bouder krik, har te vas kova an o bar dren dino i sasteha, hoy les i diamantikro shero hi.

Hosea 4:1

T'mer Israelitarya, shounenn, hoy o baro Devel t'menge penell! O baro Devel hounte čingrell t'mentsa, kay djivenn an o them Israel. T'mer rikrenn gar khetne, han gar kamles yek o vavareha oun prindjrenn o Debles gar.

Maleachi 2:6

Yon anan i menshenge kova pashel, hoy čačo hi. Oun kek čilačo lab his an lengre mouya. Yon djivan glan mande an o lačepen oun an o čačepen, oun rikran boud menshen o čilačepastar pale.

Mateo 23:23

T'mer čačepangre oun Farisarya! Kova, hoy t'mer krenna, ko hi gar mishto! T'maro patsepen hi rhorhepen. T'mer denna o Debleste o deshto kotar dran hako zenlepen an t'mari baar. Oun t'mer bistrenn ko bareder koova, hoy o Devel t'mendar kamella: O čačepen, oun o kamlepen, oun o patsepen. Kava hounte krenn, oun ko vavar gar moukenn!

2. Korintarja 3:3

Dran mari boudi van t'mer pash o Yezous Kristeste. Oun kanna han har i liil, hoy vella o Yezous Kristestar. Kava liil činas o Dourho o djido Deblestar, oun kek mensho. Kava liil vas gar činlo ap i barra. Na-a. Kava liil vas činlo an i menshengre djia, an t'mare djia.

Efesarja 5:9

Lauter kolla, kay ap leskro drom djana, krenn kova, hoy lačo oun čačo hi, oun penenn o čačepen.

5. Mose 6:8

Pande kol laba ap i pandepen troul tiro vast oun troul tiro shero pral i yaka, te bistress len gar.

Hebrearja 10:16

Ap ko tsiro, hoy vella, penell o Devel, sikrau me i menshende i nevo drom, har nay venn le pash mande: Me čivau miro čačepen an lengre shere oun činau mire laba an lengre djia.