Gosewe laba 3:12 - O Debleskro Lab 2024 (Sinte-Manouche)

¹² Kones o baro Devel o djiyestar kamell, koles dell lo, yaake har i dad peskro čaveha krell, ap koleste yob lačes dikell.

O Debleskro Drom 2021 (Sinte)

¹² Kones o baro Dewel o djijestar kamell, koles dell lo, jaake har i dad peskro tchaweha krell, ap koleste job latches dikell.

Gosewe laba 3:12 Iomraidhean Croise

Debleskri gili 103:13

Yaake har i dad peskro dji pre krell peskre čavenge, yaake krell o baro Devel peskro dji pre kolenge, kay djivenn leha.

Debleskri gili 94:12

Barhtelo hi kova, koneste tou, baro Devel, leskri doosh sikreh, koleste tou sikreh, har te djivell lo.

Gosewe laba 13:24

I dad, kay peskro čaveste kek phagi dell, krell leske gar mishto. Koon les kamell o djiyestar, kova rikrell pes gar pale, te dell lo les i phagi.

Gosewe laba 29:17

Sike tiro čaves zoreles, hoy lo gar mishto kras. Palle krell lo tout barhtelo. Oun tou hounte ladjess leske gar.

5. Mose 8:5

Yaake hayvenn t'mer an t'mare djia, t'maro baro Devel kras t'mentsa har i dad peskro čaveha.

Hebrearja 12:6

Kones o Devel o djiyestar kamella, kova lell ninna lestar i phagi. Oun koon vell leskro čavo, koles dell lo ninna dava.

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!