Gosewe laba 3:1 - O Debleskro Lab 2024 (Sinte-Manouche)

¹ Miro čavo, ma biste kova, hoy touke sikrom, rike mire laba an tiro dji!

O Debleskro Drom 2021 (Sinte)

¹ Miro tchawo, ma biste kowa, hoi tuke sikrom, rike mire laba an tiro dji!

Gosewe laba 3:1 Iomraidhean Croise

Debleskri gili 119:11

Me rikrau tiro lab an miro dji, te anap kek doosh ap mande.

Debleskri gili 119:153

Dik, har djoungeles mange djal oun le man vin dran i bibarht! Tiro drom bistrom me gar.

Debleskri gili 119:16

Mange hi shoukar, te krap, hoy tou mandar kameh, oun bistrau tire laba gar.

Debleskri gili 119:176

Me hom har i bakro, hoy nashedo djas. Rode man, tiro boudepaskres, me bistrom tire laba gar!

Debleskri gili 119:34

Mouk man lauter hayvell, te dap yak ap tiro drom, oun shounap ap toute o tselo djiyestar.

Debleskri gili 119:61

I čilače čivan dorya vin troul mande, te perap dren. Me bistrau tiro drom gar.

Debleskri gili 119:93

An kek tsiro kamau te bistrap hoy tou menge penal, te kras mer. Dran tire laba rikreh tou man djido.

Debleskri gili 91:16

Me dau les i lengsto djipen oun sikrau les, te hom kova, kay les vin lell dran i bibarht.”

2. Mose 20:6

Lačepen oun kamlepen dau me ap kolende, hoy man o djiyestar kamenn oun krenn, hoy me penau. Ninna lengre čavenge, kay pal lende venna, hom lačo, yaake rah har i seri familye yek pal i vavar djivenn.

Gosewe laba 1:8

Miro čavo, shoun ap i laba, hoy tiro dad touke penell! De yak ap kova, hoy tiri day toutar kamell!

Gosewe laba 16:31

Parne balla hi har i kouč rayeskri stadi, hoy o Devel kolen dell, kay leskro drom djan.

Gosewe laba 2:1

Miro čavo, shoun ap mire laba, oun rike tout ap kova, hoy me touke penom,

Gosewe laba 23:26

Miro čavo, kre tiro dji mange pre, oun dja ap mire dromma!

Gosewe laba 31:5

Te piyenn le, nay bistrans le, hoy o Devel lendar kamell, oun dikenn bouder gar koy pre, te lenn i čorvele pengro čačepen.

Gosewe laba 4:2

Mire laba hi lačo. Doleske ma bistrenn len!

Gosewe laba 4:21

Ma biste len! Rike len an tiro dji!

Gosewe laba 4:5

Kre lauter, te vess gosevo oun hayvess, hoy mishto hi. Ma biste mire laba! Kre yaake, har touke penom!

Gosewe laba 8:1

O gosvepen hi har i day, kay dell tout gole, har i pheen, kay moukell pes te shounell.

Gosewe laba 9:1

O gosvepen hi har i djouvel, kay moukas efta bare pesse kashta te činell oun pre te čivell, oun peskro kheer ap lende te krell.

Jesaja 51:17

Ste pre! Ste pre! Hade tout, Yerusalem! Tou piyal dran o baro Debleskro khoro, hoy his pherdi leskri rholi. Tou hounte piyal ko khoro vin, bis te či bouder an leste his. Kolestar val har yek, kay hi mato, oun nay vell bouder gar tardo ap peskre herya.

Jeremia 31:33

Ko nevo koova, hoy palle i menshentsa Israel vin krau, hi vavarčandes. Me dau len mire laba an lengre djia oun an lengre sherya. Me vau lengro Devel, oun yon venn mire menshe. Kava penell o baro Devel.

Hosea 4:6

Mire menshe prindjrenn o čačo drom gar. Doleske djan le tele. T'mer kaman lenge gar miro drom te sikrell. Doleske kamau me t'mendar vitar či te djinell. T'mer han bouder gar mire rashaya. T'mer bistran miro drom. Doleske bistrau t'mare čaven.

5. Mose 4:23

Kanna denn t'men yak, te bistrenn gar, hoy t'maro baro Devel t'mentsa vin kras! Ma krenn t'menge i figura čomonestar, hoy mangenn an, har te vals i devel. T'maro baro Devel penas t'menge zoreles, te krenn kova gar.

5. Mose 4:9

Denn zoreles yak ap t'mende, te bistrenn gar – yaake rah har djivenn, – hoy t'mare yakentsa dikan! Oun penenn t'mare čavenge oun lengre čavenge,

5. Mose 5:16

Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.

5. Mose 5:33

Djan yaake ap leskro drom, har yob t'menge sikras! Palle ačenn djido, oun djal t'menge mishto. Oun t'mer nay djivenna i rah tsiro an ko them, hoy t'mer dren lenn, te vell lo t'maro.

5. Mose 8:1

Rikrenn kol tsele laba, hoy t'menge kava dives penau. Djivenn pal lende! Yaake ačenn djido oun venn boud menshe, oun nay lenn ko them t'menge dren, kolestar o baro Devel glan t'mare phourende pes sovel das, te dell lo les lende.