Gosewe laba 29:2 - O Debleskro Lab 2024 (Sinte-Manouche)

² Te hi boud menshe koy, kay an o čačepen tardo hi, palle hi i tsele menshe barhtelo. Te hi i čilačo o ray pral lende, palle hi i tsele menshenge ropaske.

O Debleskro Drom 2021 (Sinte)

² Te hi bud menshe koi, kai an o tchatchepen tardo hi, palle hi i tsele menshe bachtelo. Te hi i tchilatcho o rai pral lende, palle hi i tsele menshenge ropaske.

Gosewe laba 29:2 Iomraidhean Croise

Ester 3:15

Oun kol naashepangre djan sik vin, yaake har o baro ray penas. Oun an o zorelo kheer an o foro Susa vas ko liil kote ap i kasht dino, kay nay dikell les hakeno. Oun o baro ray oun o Haman beshan pen tele, te rhan oun piyenn le. O tselo fores Susa tapras i daar.

Ester 8:15

Oun o Mordekay djas vin o baro rayestar, rido an rayeskre koola. Kolla his blaueto oun parno. Oun ap leskro shero his shereskro sonakay. Leskri baya his dran layntikro than oun lolo bakrengro bal. Oun i menshe an o foro Susa stan oun dan gole i barhtyatar.

Hiob 34:30

te čivals o Devel i čilačes pral lende, te vell lo lengro ray, oun kova anell len o čačo dromestar tele?

Gosewe laba 11:10

Te djal i lačenge mishto, palle hi i menshe an o tselo foro barhtelo. I čilače, te merenn le, denn le an o foro gole i barhtyatar.

Gosewe laba 28:12

Te hi kolen penepaske, kay an o čačepen tardo hi, palle hi barhtelo tsiro. Te vell i čilačen penepaske, palle khatrenn pen i menshe.

Gosewe laba 28:15

I čilačo, kay hi o baro ray pral čorvele menshende, hi har i levo, hoy bares gole dell, oun har i divyo firho, hoy bokell ap peskro rhapen.

Gosewe laba 28:28

I čilače, te venn le raya, palle khatrenn pen i menshe. Yon te merenn, palle venn kolla boudeder, kay o čačepen krenn.

Sikepaskro 10:5

I djoungelo koova dikom ap kay phoub, kova anenn i zorele pale te pale ap pende:

Sikepaskro 10:6

I dineleske denn le peskri beshepaskri kote, kay i pralstoune beshenna, oun i bravele hounte beshenn pen ap i telstoune beshepangre.

Sikepaskro 4:1

Palle dikom halauter, hoy gar čačo hi ap i phoub. Me dikom i sva kolendar, kay dan le lenge gar lengro čačepen, oun kolenge kek ap i rig vas. Kolla, kay kran lenge čilačepen, his zorelo. Doleske vas kek ap lengri rig.

Mateo 2:16

I goseve morsha djan ap i vavar drom an pengro them, oun van gar pash o Herodeste pale. Har yob kova hayvas, vas i bari rholi ap leste. Oun yob bičras lourden an o foro Betlehem oun an i gaba trouyel, te marenn le kol tsele morsh čaven, kay douy bersha oun terneder hi. Kol douy bersha his ko tsiro, kay i goseve morsha leske penan, te vas o čavo boldo bis ko dives.

Mateo 2:3

Har o baro ray Herodes kova shounas, trashas lo. Oun ninna boud menshe an o foro Yerusalem trashan leha khetne.

Debleskro tsiro 11:15

Oun ko eftato bolepaskro phourdas an peskri phourdepaskri. Koy his i rakepen an o bolepen, oun boud dan bari gole, oun penan: “Kanna hi o Devel oun leskro čavo, o Yezous Kristo, i raya pral i tsele menshende ap i phoub hako tsireske.”