Gosewe laba 28:9 - O Debleskro Lab 2024 (Sinte-Manouche)

⁹ Kova, kay kamell či o Debleskro dromestar te djinell, oun palle mangell lo čomone o baro Deblestar, koleskro mangepen hi djoungelo glan o Debleskre yaka.

O Debleskro Drom 2021 (Sinte)

⁹ Kowa, kai kamell tchi o Debleskro dromestar te djinell, un palle mangell lo tchomone o baro Deblestar, koleskro mangepen hi djungelo glan o Debleskre jaka.

Gosewe laba 28:9 Iomraidhean Croise

Debleskri gili 109:7

Te vell lo glan i čačepangre raya anlo, mouk kolen i phagi pral leste vin rakrell. Te mangell lo tout, dik ap leskro mangepen, har te vals kova i doosh.

Debleskri gili 66:18

Yob shounas miri gole, oun das yak ap kova, hoy lestar mangom. Te vals man čilačepen glan an miro dji, shounals man o Devel, miro ray, gar.

Debleskri gili 94:20

Tou čival tout gar khetne kolentsa, kay čačepangre morsha hounte vans, oun yon djan gar pal o čačepen, oun penenn ap o rhorhepen: “Kova hi o čačepen.”

Gosewe laba 10:3

O baro Devel moukell i lačes gar te bokell. Krik pestar tradell lo ko čilačes, koles bok pral boud koova hi.

Gosewe laba 15:8

O baro Devel dikell rhoyedes ap kova, hoy o čilačo leske anell. Te mangenn les kolla an, kay an o čačepen tardo hi, dikell lo lačes ap lengro mangepen.

Gosewe laba 21:13

Kova, kay yaake krell, har te shounell lo gar koy gole ko čorvelestar, leske djala yaake, kay dell yob ninna gole oun kek shounell les.

Gosewe laba 21:27

Kova, hoy anenn i čilače o baro Debleske, hi djoungeles glan leskre yaka. Har boud boudeder, te krenn le kova dran i čilačo dji.

Jesaja 41:24

Djinenn, kova nay krenn le gar! Kol debla hi či-moldo oun nay krenn či. Koon len peske vin rodell, krell i pale-čiddo koova glan o Debleste.

Jeremia 14:12

Yon nay rikrenn pen pale o rhapastar, oun rovenn ap mande yaake boud har kamenn le, me shounau len gar. Ninna te rhačrenn yon mange firhen oun rhapen, dikau gar lačes ap lende. Me marau len an o kourepen, ninna i bok oun o nasslepen marenn le.

Johanni 9:31

Mer halauter djinah, kay o Devel ap kekeste shounella, kay djal gar ap leskro drom. O Devel shounell ap koleste, kay darell lestar oun djivell yaake, har yob kamella.