Gosewe laba 28:12 - O Debleskro Lab 2024 (Sinte-Manouche)

¹² Te hi kolen penepaske, kay an o čačepen tardo hi, palle hi barhtelo tsiro. Te vell i čilačen penepaske, palle khatrenn pen i menshe.

O Debleskro Drom 2021 (Sinte)

¹² Te hi kolen penepaske, kai an o tchatchepen tardo hi, palle hi bachtelo tsiro. Te well i tchilatchen penepaske, palle khatrenn pen i menshe.

Gosewe laba 28:12 Iomraidhean Croise

1. Rajengro liil 18:13

Miro ray, vas touke gar penlo, hoy me krom, har moukas i Isebel o baro Debleskre rakepangren te marell, har me lendar sheel morshen khatrom, i paash-sheel an yek grotta oun kol vavar paash-sheel an i vavar grotta, oun anom lenge maro oun pani, te nay rhan oun piyenn le?

1. Rajengro liil 19:3

Oun har o Eliya kova shounas, tapras les i daar, oun yob nashas peske, te ačell lo djido. Yaake vas lo an o foro Beersheba. Ko his i foro an o them Youda. Oun kote moukas lo peskro boudepaskres.

2. Familjakro liil 7:10

Oun ap o 23. (biish-te-triinto) dives an o eftato čon moukas o Salomo i menshen khere te djal. Oun yon djan barhteles khere. Lengro dji givas pral ko tselo lačepen, hoy kras o baro Devel ap o Davideste, oun ap o Salomeste, oun ap peskre menshende Israel.

Gosewe laba 11:10

Te djal i lačenge mishto, palle hi i menshe an o tselo foro barhtelo. I čilače, te merenn le, denn le an o foro gole i barhtyatar.

Gosewe laba 28:28

I čilače, te venn le raya, palle khatrenn pen i menshe. Yon te merenn, palle venn kolla boudeder, kay o čačepen krenn.

Gosewe laba 29:2

Te hi boud menshe koy, kay an o čačepen tardo hi, palle hi i tsele menshe barhtelo. Te hi i čilačo o ray pral lende, palle hi i tsele menshenge ropaske.

Sikepaskro 10:16

Djungeles djal i menshenge an i them, koleskro baro ray i čavo hi, oun kay i pralstoune taysarlakro rhapangre hi!

Jeremia 36:19

Koy penan kol pralstoune ap leste: Tou oun o Yeremia, t'mer hounte khatrenn t'men, te djinell kek, kay han!

Jeremia 36:26

Yob penas ap peskro čaveste, o Yerameel oun ap o Seraya, koleskro dad o Asriel his, oun ap o Shelemya, koleskro dad o Abdeel his, te tapenn le o činepaskres, o Barouk, oun o Debleskro rakepaskres, o Yeremia. Kolen khatras o baro Devel. Doleske hatsan le len gar.

Jeremia 5:1

Djan kol dromma an Yerusalem pral oun tele! Krenn t'mare yaka pre oun rodenn ap kol dromma o forestar! Te hatsenn yekes, kay djivell an o čačepen, oun rikrell pes ap o Debleste, palle bistrau i doosh o tselo forestar.

1. Samuel 24:11

Kava dives nay dikeh tire yakentsa, te das tout o baro Devel an mire vasta, har hals tou an koy grotta. Oun mange penan le, te dap tout moulo. Oun me krom tout či. Me penom mange: Me kamau gar miro vast ap miro rayeste te čivell, koles o baro Devel vin rodas, te vell lo baro ray.