Gosewe laba 28:1 - O Debleskro Lab 2024 (Sinte-Manouche)

¹ O čilačo hi ap o naashepen, ninna te lell les kek palla. Kova, kay an o čačepen tardo hi, hi har i terno levo oun darell či.

O Debleskro Drom 2021 (Sinte)

¹ O tchilatcho hi ap o naashepen, ninna te lell les kek palla. Kowa, kai an o tchatchepen tardo hi, hi har i terno lewo un darell tchi.

Gosewe laba 28:1 Iomraidhean Croise

1. Rajengro liil 1:49

Kate vas i bari traash pral halauterende, kay pash o Adoniya beshdo his. Oun halauter stan pre, oun hakeno djas peskro drom.

2. Rajengro liil 7:15

Oun yon djan lenge palla bis pash o pani Yordan, oun dikan, kay ap o drom ripya oun vavar koova čiddo hi, kay kol Syrarya an o sikepen krik vitsran. Oun har kol bičepangre pale van oun kova o baro rayeske penan,

Nehemia 6:11

Me penom: “I morsh, har me hom, nashell gar krik. Patseh, te djoms an o Debleskro kheer, te ačap djido? Me djau gar dren!”

Hiob 15:21

An leske kanda shounell lo i gole, hoy krell leske daar. An ko tsiro, kay leske lačes djal, vell o marepaskro pral leste.

Debleskri gili 112:7

Les vell kek daar, te shounell lo, kay čilačo koova vella. Yob dikell peskro tselo djiyeha ap o baro Debleste.

Debleskri gili 53:5

“Kolla, kay o čilačo koova krenna, hayvenn či”, penell o Devel, – “kolla, kay mire menshen rhana har i kotar maro. Man denn le gar an-gole.”

Debleskri gili 53:6

Ap yek kopo taprenn le i traash, ninna te hi či koy, hoy len nay traash krella. O Devel marell kolen, kay ap peskre menshende pre djan. Oun lengre kokale ačenn čiddo oun venn gar paskedo. O Devel čivas len pale.

2. Mose 11:8

Palle venna tire pralstoune lauter pash mande oun vitsrenn pen glan mire pire tele oun mangenn man an oun penenn: Djan t'menge, tou oun tire tsele menshe, djan! Oun palle djah mer menge.” Oun moulo rhoyedo djas o Mose peske dran o Faraeskro kheer vin.

Gosewe laba 10:9

Kova, kay an o čačepen djivell, hounte darell gar. Kova, kay ap bange dromma djal, vell tapedo.

Gosewe laba 27:27

Oun tout hi doha bouzyengro thoud touke oun tiri familyake, oun ninna i djouvyenge, kay boudrenn touke.

Jesaja 30:17

I zero morsha t'mendar nashenn penge glan yekeste, kay peskro mouy pre krell oun penell Kanna lenn t'mare dava. Ava, glan panč savendar nashenn t'mer lauter krik. T'mare tsele lourdendar ačell či pral har koy plarhta ap i kasht, hoy pre tardo čivan pral ap i berga, te dikenn le lat foun doural.

Jesaja 7:2

Oun har o baro rayeske pral Youda penlo vas, kay čivan i Syrarya pengre plarhtene khera pre an o Efrayimeskro them, kote trissas lo i trashatar. Oun ninna i tsele menshe an Youda trissan yaake har i rouka an i vesha trissenn, te phourdell i zorelo dourho.

Jeremia 20:4

Kova penell o baro Devel: Tou aneh traash ap toute oun ap tire malende. Yon venn maredo o rhareha kolendar, kay kourenn pen lentsa. Oun tou dikess kova tire yakentsa. Oun me kamau i tsele menshen an o them Youda an o vast o baro rayestar dran o them Babilonia te dell. Kova anell i kotar lendar pandles an Babilonia oun dell i vavaren moulo o rhareha.

3. Mose 26:17

Me dikau bouder gar lačes ap t'mende, oun t'mer venn dino kolendar, kay kourenn pen t'mentsa. Kolla, kay kamenn t'maro merepen, venn ray pral t'mende. T'mer han ap o naashepen, ninna te lell t'men kek palla.

3. Mose 26:36

Kolla, kay t'mendar pral ačenn an kol vavar themma, kay le pandle hi, kolen krau yaake dareno, te vell len daar glan i patri, hoy krik phourdedo vell. Lestar nashenn le, har te lals yek len o rhareha palla. Oun yon perenn, oun yek perell pral o vavareste, ninna te hi kek koy, kay len palla las. Oun t'men hi kek zoor, te kourenn t'men kolentsa, kay ap t'mende djan.

Bičepangre 14:3

Oun o Paulo oun o Barnabas ačan i rah tsiro an ko foro. Oun len his kek traash, te sikrenn le i menshende o Yezouseskro drom. Oun o ray Yezous das len i zoor, te kran le baro oun zorelo koova, hoy kek vavar nay kras. Yaake sikras yob, kay kova, hoy yon pral leskro baro lačepen penan, čačo hi.

Bičepangre 4:13

Har yon dikan, har o Petro oun o Yohanni rakran, kay kek traash an lende his, kran le bare yaka. Oun yon hayvan, kay kolla kek bare rakepangre oun goseve morsha hi, oun djinan ninna, kay yon o Yezouseha khetne his.

5. Mose 28:25

O baro Devel krell, te venn kolla zorleder har t'mer, kay kourenn pen t'mentsa. Ap yek drom djan t'mer ap lende pre, oun ap hake rigya hounte nashenn t'menge lendar. Oun i menshenge an hake themma ap i phoub ačell o rakepen krik i trashatar, te dikenn le, har t'menge djala.

5. Mose 28:7

O baro Devel dell kolen, kay hadenn pen pral t'mende, te kourenn le pen t'mentsa. Ap yek drom venn le, te djan le ap t'mende, oun ap hake rigya hounte nashenn le penge t'mendar.

1. Tessalonikarja 2:2

Glan ko tsiro, kay vam pash t'mende, hams an o foro Filipi. Ninna te vam kote palla lino oun dino, har t'mer djinenn, djam pal kova pash t'mende an o foro Tessalonika. O Devel das men i zoor, te penas t'menge o Debleskro lačo lab, ninna te his pash t'mende boud menshe, kay kran menge o djipen phares.