Gosewe laba 27:6 - O Debleskro Lab 2024 (Sinte-Manouche)

⁶ Laba, hoy doukrenn har dava oun venn tiro malestar, hi feteder har i čoumma kolestar, kay touke čilačes hi.

O Debleskro Drom 2021 (Sinte)

⁶ Laba, hoi dukrenn har dawa un wenn tiro malestar, hi feteder har i tchumma kolestar, kai tuke tchilatches hi.

Gosewe laba 27:6 Iomraidhean Croise

Debleskri gili 141:5

Lače menshe mou denn man i phagi, oun čingrenn mantsa an o lačepen. I čilačendar kamau gar, te sharenn le man. Oun me mangau o Deblestar, te krenn le mange kek čilačepen.

Gosewe laba 10:18

Koles hi i rhorheno mouy, kay peskri rholi ap i vavareste khatrell. Oun kova, kay rhorhepen pral i vavareste rakrell, hi i dinelo.

Gosewe laba 20:30

Ratle dava lenn o čilačepen krik. Oun dava djan koleske, kay dino vell, an o dji.

Gosewe laba 27:7

Kova, kay čalo hi, moukell o feteder gvin tardo. Koles bok hi, koleske hi shoutlo koova har te vell lo goudlo.

Gosewe laba 28:23

Te peneh yekeske, hoy yob gar mishto kras, palle vell ko tsiro, kay parkrell lo pes pash toute. Oun kova boudeder, har te rakrals leske pal o mouy.

Hebrearja 12:10

Mare dada ap i phoub dan men i phagi, hoy doukas men i tikno tsiro, yaake har yon penan penge, te hi kova menge mishto. O Devel, te dell lo men i phagi, hi kova čačepah menge mishto. Yob kamell, te vas mer lačo oun čačo, yaake har yob hi.

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!