Gosewe laba 27:22 - O Debleskro Lab 2024 (Sinte-Manouche)

²² I kashteha vell djob tiknes kerdo an i piri. Ninna te krals yaake i dineleha, perals leskro dinlepen gar lestar tele.

O Debleskro Drom 2021 (Sinte)

²² I kashteha well djob tiknes kerdo an i piri. Ninna te krals jaake i dineleha, perals leskro dinlepen gar lestar tele.

Gosewe laba 27:22 Iomraidhean Croise

1. Rajengro liil 13:33

Ninna pal kava koova moukas o Yerobeam gar tele peskro čilačo dromestar. Yob čivas rashayen an pengri boudi dren, kay his kol moule deblenge koy. Oun kolla van vavar menshendar har kol menshendar Levi. Hakeno, kay kamas, nay vas i rashay, oun vas dren čiddo an peskri boudi.

2. Mose 12:30

Koy rati stas o Farao pre, ninna i tsele pralstoune oun i tsele Egiptarya, oun kote djas i ropaskri gole an, hoy o dji činella. O merepen his an hako kheer.

2. Mose 14:5

Har o rayeske pral o them Egiptia penlo vas, te nashan i Israelitarya penge, khaytas les oun leskre pralstunen, te moukan le len te djal. Oun yon penan: “Hoske kram mer kova, te moukam i Israelitarya te djal? Mer nashram mare boudepangren!”

2. Mose 15:9

I Egiptarya penan: Las len palla, las len dren! Las menge, hoy lengro hi! Hakenes hi doha koy! Las mare rhare, das len temerl!

Gosewe laba 14:24

O gosvepen hi har shereskro sonakay i gosevenge. Ap o shero i narvelendar hi lengro dinlepen har i stadi.

Gosewe laba 23:35

Palle peneh: “Mange hi, har dans le man, ninna te hayvom kek douk, har te marans le man khetne, ninna te doukell mange či. Te hom vi-sodo, palle djau pale koy.”

Gosewe laba 26:11

Har i djouklo, hoy pale rhal, hoy lo vin čadas, yaake hi o narvelo, kay krell pale te pale dinelo koova.

Jesaja 1:5

Han gomme gar doha dino? Hoske rikrenn t'mare djia pandlo oun djan doureder ap t'maro čilačo drom? T'maro tselo shero hi pherdo doukepen, oun t'maro tselo dji hi nasselo.

Jeremia 13:23

Nay krell i kalo mensho peskri kali hauta vavarčandes? Na-a! Nay krell i divyi margodja peskre balla vavarčandes? Na-a! Yaake nay krenn t'mer kek lačepen, ko čilačepen djas t'menge an o mass oun o rat.

Jeremia 5:3

Baro Devel, tire yaka dikenn ap i djipen an o čačepen. Tou dal len i phagi. – Yon hayvenn kova gar. Tou kral len paash moulo. – Oun yon ačan, har yon hi. Yon djan pal pengro shero. oun kamenn gar pengro čilačo drom te moukell.

1. Samuel 19:21

Oun kova vas o Sauleske penlo. Oun yob bičras vavar bičepangren koy. Oun ninna kolla rakran o Debleskro rakepen vin. Oun o Saul bičras o triinto kopo vavaren koy. Oun ninna kolla rakran o Debleskro rakepen vin.