Gosewe laba 24:16 - O Debleskro Lab 2024 (Sinte-Manouche)

¹⁶ Kova, kay an o čačepen tardo hi, nay perell efta kope, hako kopo stell lo pale pre. I čilače perenn an i bibarht.

O Debleskro Drom 2021 (Sinte)

¹⁶ Kowa, kai an o tchatchepen tardo hi, nai perell efta kope, hako kopo stell lo pale pre. I tchilatche perenn an i bibacht.

Gosewe laba 24:16 Iomraidhean Croise

1. Mose 19:35

Koy dan yon rati pengro dades mool te piyell. Oun i terneder čay djas oun čivas pes pash leste. Ninna kava kopo hayvas yob gar, har yoy pes pash leste čivas, vitar gar, har yoy lestar pre stas.

Ester 7:10

Yaake bladan le o Hamanes ap ko kasht pre, koles yob o Mordekayeske moukas pre te čivell. Oun i rholi o baro rayestar djas pale.

Hiob 5:19

Hako kopo, kay perell i bibarht ap toute, lell lo tout vin. Oun kek čilačepen nay taprell tout an.

Debleskri gili 34:19

O baro Devel hi pash kolende, kay lengro dji phagedo hi. Oun kolenge, kay dikenn bouder kek momeli an pengro djipen, hi lo ap i rig tardo.

Debleskri gili 34:21

Yob dell yaake yak ap leste, te vell kek kokalo lestar phagedo.

Debleskri gili 37:24

Ninna te perell lo, ačell lo gar čiddo, o baro Devel rikrell les ap peskro vast.

Debleskri gili 52:5

Tou kameh o čilačepen boudeder har o lačepen. Oun o rhorhepen kameh tou boudeder har o čačepen.

Debleskri gili 7:16

Yob hadas i rheb vin, hoy djas dour tele, oun peras palle kokres dren, – an koy rheb, hoy yob i vavareske vi-hadas.

Debleskri gili 79:12

Kolla, kay an i themma troul mende djivenn, praasan tout, maro rayes. De len kova efta kope pale, hoy kran le ap toute!

Gosewe laba 13:17

I čilačo bičepaskro anell bibarht. I bičepaskro o labestar rakrell yaake, te vell lauter pale mishto.

Gosewe laba 13:21

Kolla, kay o Debleskro dromestar tele djan, kolen lell i bibarht palla oun taprell len. Kolla, kay an o čačepen tardo hi, lenn lačo koova.

Gosewe laba 14:32

O čilačo vell tele vitsedo dran leskro čilačepen. Kova, kay an o čačepen tardo hi, koleskro patsepen rikrell les ninna gomme an o merepen.

Gosewe laba 24:22

Sik vell i bibarht pral savende. Nay djineh tou, havi bibarht o baro Deblestar oun o baro rayestar nay vell?

Gosewe laba 6:15

Doleske vell leskri bibarht sik pral leste. Sik hi lo doukedes ap i phoub čiddo, oun kek sastepen hi leske koy.

Jeremia 18:17

Me moukau vavar menshen pral mire menshende te vell, kay tradenn len krik har i zorelo dourho, kay vell kotar, kay o kham pre djala. Me kamau lenge o doumo te sikrell, oun vau gar ap lengri rig ap ko dives, kay vell i bibarht pral lende.

Jeremia 8:4

Ap mande penas lo: Pen ap lende: Kova penell o baro Devel: Te perell yek, stell yob sik pale pre. Te nashrell pes yek, rissrell yob sik pale trouyel.

Ezekiel 7:5

Kava hi, hoy o baro Devel, maro ray penell: Shounenn, bibarht pal bibarht vella!

Amos 5:2

Koy terni čay Israel peras, te stell li bouder gar pre. Mouklo hi li čiddi ap i phoub, oun kek hi koy, kay hadell lat pre.

Amos 8:14

Oun kolla, kay denn pen sovel pash o rhorheno devel an Samaria, oun penenn: pash ko devel, koles o kheer Dan an-mangell, oun pash o devel o forestar Beersheba, kal menshe perenn oun stenn bouder gar pre.

4. Mose 32:23

Te kamenn t'mer kova gar te krell, palle lenn i doosh ap t'mende glan o baro Debleste. Oun kova dikenn t'mer, te vell koy phagi ap t'mende.

Bičepangre 12:23

Yaake moukas pes o Herodes i menshendar te sharell, har te vals yob o Devel. Oun har yob kova kras, das les o Debleskro bolepaskro i nasslepen, te rhan i kirme les pre, oun yob meras.

1. Tessalonikarja 5:3

Te penenn i menshe: “Lauter hi mishto, kek kourepen hi kay, oun men hounte vell kek daar”, palle vell i bibarht pral lende, oun yon nay nashenn gar krik. Koy bibarht vell pral lende yaake sik, har i douka venn pral i djouvyate, kay lell i ternepen.

1. Samuel 26:10

Palle penas lo: “Me dau man sovel pash o djido Debleste: Yob kokres marell les, nay vell ap leskro tsiro, kay hounte merell lo, nay vell an o marepen.

1. Samuel 31:4

Oun yob penas ap koleste, kay leskro kourepaskro koova hidjrell: “Le tiro rharo oun de man moulo, yaake te venn gar kalla pash mande, kay gar činle hi ap pengro mass, oun denn man moulo, oun krenn mantsa, hoy yon kamenn!” Oun ko lourdo, kay leskro kourepaskro koova hidjrell, kamas gar. Les his bari daar. Kote las o Saul o rharo, oun moukas pes an leste perell.