Gosewe laba 23:21 - O Debleskro Lab 2024 (Sinte-Manouche)

²¹ Ko pipaskro oun ko rhapaskro venn čorvelo, oun kolenge, kay kamenn gar te boudrell, vell ko tsiro, kay hi len či te rivell har koola hoy paash hi.

O Debleskro Drom 2021 (Sinte)

²¹ Ko pipaskro un ko chapaskro wenn tchorwelo, un kolenge, kai kamenn gar te budrell, well ko tsiro, kai hi len tchi te riwell har koola hoi paash hi.

Gosewe laba 23:21 Iomraidhean Croise

Gosewe laba 18:9

I či-moldo, kay kamell gar te boudrell, hi gar feteder har kova, kay marepen oun merepen anell.

Gosewe laba 19:15

Kova, kay kamell gar te boudrell, vell khino. Moukell lo peskre vasta an i gali čiddo, vell ko tsiro, kay hounte bokell lo.

Gosewe laba 21:17

Kova, kay kamell i shoukar djipen oun dell boud love koleske vin, kova vell čorvelo. Oun kova, kay kamell mool oun kouč djet makepaske, vell gar bravelo.

Sikepaskro 10:18

Te kamell yek gar te boudrell, perell leskro kheer khetne, oun o brishin vell dren.

Joel 1:5

Stenn pre, t'mer mate, oun rovenn! Denn gole, t'mer pipangre! Rovenn troul i molyake, hoy vas krik lino t'mare mouyendar.

Mateo 11:19

Oun me, o Mensheskro Čavo, me vom, rhom oun piyom, oun mandar penenn le: “Kova hi i baro rhapaskro oun i pipaskro. Kova hi i maal kolendar, kay lenn i biboldendar love i Remaryenge dren. Oun kova hi i maal kolendar, kay čilačo koova kran oun doleske pale-čiddo hi.” Ninna te rakrenn le yaake, dikenn le ap o Debleskre menshende, kay kova čačo hi, hoy o Devel krella.

1. Korintarja 5:11

An ko liil činom t'menge, te venn t'mer kek mala kolendar, kay penenn pendar: “Me hom patslo” oun krenn vi-ladjedo koova, hi boklo pal i love, mangenn vavar koova an har o Debles, praasenn i vavaren, hi pipangre oun čorepangre. Te hi yek mashkral t'mende, kay krell savo koova, koleha rhan gar khetne!

1. Korintarja 6:10

vitar gar i čorepangre, vitar gar kolla, kay ap i love pandlo hi, i dre-phagepangre, i pipangre oun kolla, kay praasenn i vavaren, – kolla lauter venna gar pash o Debleste an o bolepen.

Galatarja 5:21

Yon kamenn kova, hoy o vavares hi. Yon hi pipangre oun rhapangre. Oun boud vavar čilačo koova krenn yon. Me penom t'menge oun penau pale: Koon yaake djivella, vell gar pash o Debleste an o bolepen oun lell gar ko lačo koova, hoy o Debles peskre čavenge hi.

5. Mose 21:20

Oun penenn ap lende: “Kava hi maro morsh čavo. Yob hi bipandlo, oun krell halauter pal peskro shero, oun shounell gar ap mende. Yob hi i pipaskro oun i rhapaskro.”

Filiparja 3:19

Yon djan ap i drom, kay djan le nashedo. Lengro per hi lengro Devel. Yon sharenn ko djoungelo koova, hoy kran le, oun hounte ladjans pen pral kova. Kova, hoy an lengro shero trouyel djala, hi phoubyakro koova.