Gosewe laba 22:22 - O Debleskro Lab 2024 (Sinte-Manouche)

²² Ma rande o čorveles vin, doleske kay lo čorvelo hi! Te hal leha glan i čačepangre, ma le leskro čačepen krik.

O Debleskro Drom 2021 (Sinte)

²² Ma rande o tchorweles win, doleske kai lo tchorwelo hi! Te hal leha glan i tchatchepangre, ma le leskro tchatchepen krik.

Gosewe laba 22:22 Iomraidhean Croise

Hiob 31:16

Dom me gar o čorveles kova, hoy lo mandar mangas? Vom me gar koy djouvyake ap i rig, kolakro rom meras, oun kay gar doha djipaske his?

Hiob 31:21

An kek tsiro hadom me miro vast pre ap i čaveste, koles kek dad bouder hi, ninna te djinom, te hi halauter ap miri rig, kay his an o foreskro voudar beshdo.

2. Mose 23:3

Pen o čačepen, ninna te hi kova i čorvelo, kay rhorhras.

2. Mose 23:6

Te hal tou i čačepaskro, hounte dess tou koles peskro čačepen, koon an o čačepen hi, ninna te hi lo čorvelo.

Gosewe laba 21:7

I čilače kamenn gar te djivell pal o čačepen. Ko čilačo koova, hoy krenn le ap i vavarende, anell len yaake dour, te nashrenn le halauter.

Gosewe laba 22:16

Kova, kay rikrell i čorveles tele, te vell yob kokres bravleder, ninna kova, kay dell i braveles čomone, kova krell, te vell lo kokres čorvelo.

Jesaja 10:2

An i čorvelengro koova rakrenn le kek čačepen vin. Oun kolenge, kay gar an-dikle hi mank mire menshende, lenn le kova krik, hoy lenge pal o čačepen hi. Yon lenn kova krik, hoy i djouvyen hi, kolengre romma meran, oun čorenn i čaven vin, kolen kek dad bouder hi.

Ezekiel 22:29

I menshe an Israel rhorhenn oun randenn vavaren. Yon rikrenn kolen tele, kay čorvelo hi, oun kolen gar doha djipaske hi. Ninna i vi-themaryen, kay mank lende djivenn, rikrenn le zoryah tele, oun denn len gar pengro čačepen.

3. Mose 19:13

Tou rikress gar o vavares tele oun randess les gar vin. Tou dess i boudepaskres, kay boudrell touke yek dives peskre love ap i rat, oun rikress kol love gar pral i rat pash toute.

3. Mose 25:17

Kek te dell o vavares pal o kand! Rikrenn t'menge t'maro Debles glan i yaka pash halauter, hoy krenn! Me, o baro Devel, hom t'maro Devel.

Zakarie 7:10

Ma krenn čilačepen kol romyenge, kolengro rom meras, oun kol čavenge, kolen kek dad bouder hi, vitar gar kolenge, kay vi-themarya hi oun kol čorvelenge! Ma lenn t'menge glan an t'mare djia, te doukrenn t'maro phrales!”

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

5. Mose 23:16

I pandlo boudepaskro, kay peskro rayestar krik nashas oun pash t'mende vell, koles denn t'mer gar an o vast peskro rayestar pale.