Gosewe laba 22:14 - O Debleskro Lab 2024 (Sinte-Manouche)

¹⁴ O mouy i vavareskro romyatar hi har i grouba, hoy dour tele an i phoub djal. Oun kolla perenn dren, pral kolende o baro Devel rhoyedo hi.

O Debleskro Drom 2021 (Sinte)

¹⁴ O mui i wawareskro romjatar hi har i gruba, hoi dur tele an i phub djal. Un kolla perenn dren, pral kolende o baro Dewel chojedo hi.

Gosewe laba 22:14 Iomraidhean Croise

Nehemia 13:26

“Djinenn gar”, penom, “te kras o baro ray Salomo savo koova oun anas doosh ap peste? Oun an boud vavar themma, his kek baro ray har yob his. Oun o Devel kamas les yaake, te kras lo, te vell lo ray pral o tselo them Israel. Ninna les anan peskre romya dran kol vavar themma yaake dour, te anas lo doosh ap peste!

Debleskri gili 81:12

Mire menshe shounan gar ap mande. O Israel kamas man gar.

Gosewe laba 23:27

Ma dja pash i loubyate, vitar gar pash o vavareskri romyate. Kolla hi har i brounna, hoy dour tele djal, kay veh gar bouder vin.

Sikepaskro 7:26

Oun me hatsom čomone, hoy shoutleder hi har o merepen, – i djouvel, kay i morshen taprell; kolakro kamlepen hi har dorya, kolentsa len pandell li; lakre moussya, hoy le troul lende čivell hi har shelle. I morsh, kay mishto hi glan o Debleskre yaka, kova nay nashell peske latar; o dinelo vell latar tapedo.

5. Mose 32:19

O baro Devel dikas kova, oun vas rhoyedo pral peskre čavende oun čende, kay kaman či bouder lestar te djinell.