Gosewe laba 21:1 - O Debleskro Lab 2024 (Sinte-Manouche)

¹ O baro rayeskro dji hi har i lengsto pani an o baro Debleskro vast, hoy moukell lo kote te nashell, kay yob kamell.

O Debleskro Drom 2021 (Sinte)

¹ O baro rajeskro dji hi har i lengsto pani an o baro Debleskro wast, hoi mukell lo kote te nashell, kai job kamell.

Gosewe laba 21:1 Iomraidhean Croise

2. Rajengro liil 19:33

Ap ko drom, kay lo vas, hounte djal lo pale pale. An kava foro vell lo gar. Kova penell o baro Devel.

Esra 1:1

An o ersto bersh, kay o Cyrus o baro ray pral o them Persia his, kras o baro Devel, te vas ko lab čačo, hoy lo ap o Yeremia rakras, oun kova i menshenge doureder penas. O baro Devel das o baro rayeske, o Cyrus an o dji, te moukell lo an peskro tselo them vin te kharell oun i lilendar halauterenge te penell:

Esra 1:2

Yaake rakrell o Cyrus, ko ray pral o them Persia: O baro Devel an o bolepen das man i tsele themma ap kay phoub. Oun yob penas mange, te krap leske i kheer an o foro Yerusalem an o them Youda.

Esra 6:22

Oun yon lauter rikran kol bare divessa, kay rhan le efta divessa maro, kay kek shoutlo yarro dren hi. Halauterenge his i gipaskro tsiro. O baro Devel das len barhtele djia oun kras, te dikas o ray pral o them Assour kamles ap lende. Yaake van lengre vasta zoreles, te nay kran le o kheer o Israeleskro Debleske.

Nehemia 1:11

Ah ray, shoun ap miro mangepen oun ap o mangepen kolendar, kay ninna tire boudepangre hi, kay mangenn tout o djiyestar an. Yaake mouk kova mishto te djal, hoy man glan hi, oun kre, te dikell o baro ray, o Artaxerxes, lačes ap mande.” An ko tsiro homs ko morsh, dran koleskro vast o pipen o baro rayeske vas.

Nehemia 2:4

Oun o baro ray poučas: “Hoy kameh tou?” Kote rakrom o Debleha an o bolepen,

Nehemia 2:8

Oun mouk ninna i liil te činell ap o Asaf, ko pralstouno pral o rayeskre vesha, te dell lo man kasht, te nay krap voudya o zorelo khereske, hoy pash o Debleskro kheer tardo hi, oun ninna kasht, te čivap i massouri troul o foro pale pre, oun kasht ko khereske, an koleste me palle djivau.” Oun o baro ray das kova lauter. Miro Debleskro lačo vast his mantsa.

Ester 2:17

Oun o baro ray kamas lat boudeder har i tsele vavar djouvyen. An leskre yaka his li shoukeder oun feteder har haki vavar terni čay. Oun yob čivas ko shereskro sonakay ap lakro shero, hoy i rani hidjrell. Oun kras latar i nevi rani, yaake har i Vasti glan late his.

Debleskri gili 105:25

Kolenge das lo an o dji, te dikenn le čilače yakentsa ap o Debleskre menshende, oun kran lenge midjak koova.

Debleskri gili 106:46

Oun yob kras, te dikan lauter kolla lačes ap lende, kay len pandan.

Debleskri gili 114:3

Har van le pash o baro pani, nashas o pani peske. Har van le pash o pani Yordan, djas o pani pale.

Debleskri gili 114:5

“Tou baro pani, hoy his touha, te nashal touke, oun touha, tou pani Yordan, te djal pale?

Debleskri gili 74:15

Tou moukal pani te nashell, kay kek his. Oun kote, kay zorele panya nashan, hi le kanna bouder gar koy.

Debleskri gili 93:4

Ninna te hi o baro pani divyo oun leskri gole zorelo, bareder hi o baro Devel an o bolepen.

2. Mose 7:3

Me kamau leskro dji har i bar te krell, yaake te nay krap boud baro koova an o tselo them Egiptia, te sikrap miri bari zoor.

Gosewe laba 16:1

O mensho lell pes čomone glan an peskro dji. Hoy čačepah vella, penell o baro Devel.

Gosewe laba 16:9

O mensheskro dji lell peske čomone glan, o baro Devel hi kova, kay anell leskre herya ap ko drom, har yob kamell.

Gosewe laba 20:24

O baro Deblestar vell, har o djipen hakenestar djal. Har djinell i mensho, kay leskro drom les anell?

Jesaja 43:19

Dik, me krau nevo koova! Kanna vell kova! Hayvenn oun dikenn les gar? Ava, me krau i drom an o moulo them, oun moukau bare zorele panya te nashell an o tato them.

Jesaja 44:27

Me hom kova, kay ap o baro pani penell: “Ab trouk!” Oun kol lengste panya, hoy nashenn an o baro pani, krau me trouk!

Jeremia 39:12

Le les pash toute, penas lo. Oun de garda ap leste! Ma douke les! Oun yaake har yob les kamella, yaake kre les leha.

Bičepangre 7:10

oun las les vin dran halauter, hoy o Yosefeske pharo his. Oun o Devel das les boud gosvepen oun kras, te dikas o baro ray pral o them Egiptia lačo ap o Yosefeste. Ko baro ray kras, te vas o Yosef o ray pral o tselo them Egiptia oun pral o tselo rayeskro kheer.

Debleskro tsiro 16:12

Oun o shobto bolepaskro čoras peskro čaro vin pral o baro pani, hoy kharella Eufrat. Oun ko pani djas pale. Yaake vas i drom kerdo kol rayenge, kay venna dran o them, kay o kham pre djal.

Debleskro tsiro 16:4

Oun o triinto bolepaskro čoras peskro čaro vin pral kol bare oun tikne panya, hoy venna dran i phoub vin. Oun kolla van rat.