Gosewe laba 2:13 - O Debleskro Lab 2024 (Sinte-Manouche)

¹³ oun o čačo drom moukan, oun i djipen an o čilačepen djivenn.

O Debleskro Drom 2021 (Sinte)

¹³ un o tchatcho drom mukan, un i djipen an o tchilatchepen djiwenn.

Gosewe laba 2:13 Iomraidhean Croise

Debleskri gili 14:3

Halauter rissran pen lestar krik, oun djivenn i djoungelo djipen, yek har ko vavar. Kek hi koy, kay krell o lačepen, ava, kek!

Debleskri gili 36:3

An peskre yaka hi kova yaake shoukar, hoy lo krella, te hayvell lo gar, kay kova i doosh hi, kay hounte rikrals pes lo latar pale.

Debleskri gili 82:5

T'mer moukenn t'menge či te penell. Dinele han t'mer, oun djan t'maro drom, har te vals kali rat, kay dikenn či. Doleske dell kek čačepen bouder ap kay phoub.

Gosewe laba 21:16

I mensho, kay kamell gar te djinell, hoy gosevo hi, djal ap o drom pash i moulende.

Gosewe laba 4:19

O drom kolendar, kay o čilačepen krenn, hi har i kali rat; yon nay dikenn gar, pral hoy yon perenn.

Jesaja 59:8

T'menge hi či moldo, te djal i vavarenge mishto. Oun o čačepen kamenn gar te krell. Bange dromma djan t'mer. Save menshe perenn an i bibarht.

Ezekiel 18:26

Te djal i lačo mensho peskro čačo dromestar tele, oun krell o čilačepen, hounte merell lo. Dran peskro čilačepen, hoy lo kras, hounte merell lo.

Zefanja 1:6

Marau ninna kolen, kay perenn mandar tele, oun kolen, kay poučenn gar pal mande, oun kamenn či mandar te djinell.

Johanni 1:6

Koy vas i morsh, ko vas o Deblestar bičedo. Leskro lab his Yohanni.

Johanni 12:35

Penas o Yezous ap lende: “Koy momeli hi gar bouder rah pash t'mende. Djan t'maro drom yaake rah, har koy momeli pash t'mende hi, te vell gar i rati pral t'mende! Koon an i rati djala, djinell gar, kay yob djala.

Remarja 1:21

Ninna te djinan le o Deblestar, sharan le les gar, oun parkran pen gar pash leste. Na-a, yon djan pal kova, hoy an lengro shero hi oun či moldo hi. Oun lengre djia hayvan bouder gar, hoy mishto hi.

2. Timoteo 4:10

O Demas moukas man, oun djas an o foro Tessalonika. Yob kamell o djipen ap kay phoub. O Kreskens djas an o them Galatia, oun o Tito an o them Dalmatia.

1. Johanni 2:19

Kolla van mendar. Yon his gar čačepah mendar. Te vans yon mendar, ačans le pash mende. Oun har yon penge djan, nay dikas hakeno, te his le gar mendar.