Gosewe laba 2:10 - O Debleskro Lab 2024 (Sinte-Manouche)

¹⁰ O Debleskro gosvepen vell an tiro dji, oun hoy yob toute sikrell, hi touke shoukar.

O Debleskro Drom 2021 (Sinte)

¹⁰ O Debleskro goswepen well an tiro dji, un hoi job tute sikrell, hi tuke shukar.

Gosewe laba 2:10 Iomraidhean Croise

Hiob 23:12

Me rikrom man ap hako lab, hoy vas dran leskro mouy. Oun rikrom halauter an miro dji, hoy lo rakras.

Debleskri gili 104:34

Mou vell miri gili leske shoukar! Me hom barhtelo pral miro baro Debleste.

Debleskri gili 119:103

Tiro lab hi har i goudlo rhapen mange, ava, goudleder har gvin hi lo.

Debleskri gili 119:111

Tire laba, hoy menge sikrenn, har te djivas, hi mange kouč oun ačenna mange hako tsiro. Ava, yon hi kolla, hoy miro dji barhteles krenn.

Debleskri gili 119:162

Pral tiro lab hom yaake barhtelo har yek, kay las boud bravlepen.

Debleskri gili 119:97

O djiyestar kamau tiro drom te djal. O tselo dives hi tire laba an miro shero.

Debleskri gili 19:10

Te hadau o baro Debles pre, hi kova mishto. Hako tsiro vell lo hadedo. O čačepen, hoy o baro Devel vin rakrella, hi lauter lačo oun čačo.

Gosewe laba 1:4

Yaake venn ninna kolla gosevo, kolen či an o shero hi. Oun terne morsha hayvenn, hoy hounte krenn le, oun dikenn dren, hoy mishto hi.

Gosewe laba 14:33

O gosvepen hi khere an o dji kolestar, kay hayvell, hoy mishto oun gar mishto hi. An i dinelengre djia hi kek gosvepen.

Gosewe laba 22:18

Ma biste len! Har shoukar hi, te nay peneh len doureder!

Gosewe laba 4:6

Ma mouk o gosvepen! Te hal gosevo, veh tou vin lino dran o čilačepen. Te kameh o gosvepen, hi lo har i zorelo kheer troul toute.

Jeremia 15:16

Baro Devel, tou ray pral o bolepen oun i phoub, me hom tiro. Yaake vas tiro lab miro rhapen hako kopo, kay me kova shounau. Te shounau tiro lab, givell miro dji, oun vell pale zorelo.

Kolossarja 3:16

Ma moukenn tele, te rakrenn oun shounenn o lab o Yezous Kristestar! Rakrenn les t'menge an o dji! Avenn gosevo koy pashel, te sikrell yek o vavareste, har te djal lo ap o Debleskro drom! Givenn Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Ava, givenn o Debleske, oun sharenn les an t'mare djia!