Gosewe laba 19:25 - O Debleskro Lab 2024 (Sinte-Manouche)

²⁵ Te deh tou yekes, kay pral halauter sal, palle venn kolla gosevo, kolen či an o shero hi. Oun te čingreh koleha, kay hayvell, hoy mishto oun gar mishto hi, palle hayvell lo gomme boudeder.

O Debleskro Drom 2021 (Sinte)

²⁵ Te deh tu jekes, kai pral halauter sal, palle wenn kolla gosewo, kolen tchi an o shero hi. Un te tchingreh koleha, kai haiwell, hoi mishto un gar mishto hi, palle haiwell lo gomme budeder.

Gosewe laba 19:25 Iomraidhean Croise

Debleskri gili 141:5

Lače menshe mou denn man i phagi, oun čingrenn mantsa an o lačepen. I čilačendar kamau gar, te sharenn le man. Oun me mangau o Deblestar, te krenn le mange kek čilačepen.

Gosewe laba 1:5

Kolla, kay gosevo hi, shounenn, har te venn le gomme gosveder. Kolla, kay siklo hi, hatsenn, har te djan le pengro drom.

Gosewe laba 15:5

O dinelo shounell gar ap leskro dadeste, te dell lo les trad. Kova, kay shounell koy pre, hi gosevo.

Gosewe laba 17:10

Te čingreh yekeha, kay moukell pes čomone te penell, lell yob kova peske boudeder an o dji, har te dell yek sheel kope an i dineleste dren.

Gosewe laba 21:11

Te lell i pre-phourdo peskri phagi, venn ninna kolla gosevo, kolen či an o shero hi. Te aneh i goseveske čomone pashel, djinell lo boudeder.

Gosewe laba 9:7

Te kameh i pre-phourdes čomone pashel te anell, palle praasell lo tout. Te peneh i čilačeske, te kras lo, hoy gar mishto hi, palle doukell lo tout.

5. Mose 13:11

Yob kamas tout krik te anell tiro baro Deblestar, kolestar, kay tout vin anas dran o pandepen an o them Egiptia. Doleske hounte vell yob moules vitsedo i barrentsa.

5. Mose 21:21

Oun i tsele morsha dran ko foro hounte vitsrenn barra ap leste, bis te hi lo moulo. Yaake vitsrenn t'mer o čilačepen dran t'mende vin. Oun i tsele Israelitarya hounte shounenn kolestar oun darenn.

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!