Gosewe laba 19:23 - O Debleskro Lab 2024 (Sinte-Manouche)

²³ Te djiveh o baro Debleha, hi tout o djipen: tout hi doha rhapaske; tou nay soveh mishto; kek bibarht vell ap toute.

O Debleskro Drom 2021 (Sinte)

²³ Te djiweh o baro Debleha, hi tut o djipen: tut hi doha chapaske; tu nai soweh mishto; kek bibacht well ap tute.

Gosewe laba 19:23 Iomraidhean Croise

Debleskri gili 103:17

O lačepen o baro Deblestar hi gar yaake. Kova ačella hako tsireske. An kek tsiro lell lo les krik kolendar, kay djivenn leha. Ninna lengre čavenge oun kolengre čavenge rikrell yob peskro lab,

Debleskri gili 19:9

Kova, hoy o baro Devel menge penell, te kras mer, hi čačo, oun krell maro dji barhtelo. Kova, hoy lo mendar kamell, nay hayvell hakeno. Kova hi har i momeli, hoy sikrell men o drom.

Debleskri gili 25:13

Kova djivella an i barht, oun leskre čavenge hi o them.

Debleskri gili 85:9

Kamoms te shounap, har o baro Devel penell, te vell an leskro them oun leskre menshenge kek kourepen, yaake te djas mer gar ap dinele dromma.

Debleskri gili 90:14

Haki tsalla kre maro djipen pherdo tiro lačepen! Palle sharah tout oun givah touke gilya yaake rah har djivah.

Debleskri gili 91:10

Doleske vell kek bibarht ap toute, oun kek nasslepen nay vell an tiro kheer.

Debleskri gili 91:16

Me dau les i lengsto djipen oun sikrau les, te hom kova, kay les vin lell dran i bibarht.”

Gosewe laba 10:27

Kova, kay djivell o baro Debleha, djivell boud bersha. O djipen o čilačestar vell tikneder.

Gosewe laba 11:19

Te kreh o čačepen, hal ap o drom an o djipen. Te nasheh o čilačepen palla, djah ap o drom an o merepen.

Gosewe laba 12:21

Kek čilačo koova vell ap kolende, kay an o čačepen tardo hi. Ap i čilačende vell boud bibarht.

Gosewe laba 19:22

Kova, hoy i mensho rodell, hi kamlepen. Hi feteder te hal čorvelo har te vals i rhorheno.

Gosewe laba 22:4

Kova, kay krell pes gar bares oun djivell o baro Debleha, lell bravlepen oun sharepen oun o čačo djipen.

Gosewe laba 3:24

Rati čiveh tout tele kek daryah, oun tou nay soveh mishto.

Mateo 5:6

Barhtele hi kolla, kay kanna pal o čačepen bokenna oun troushenna. O Devel krell len čalo.

Bičepangre 9:31

I patsle an i themma Youdea, Galilea oun Samaria, kolen his kanna i lačo tsiro, kek las len bouder palla. Oun o Debleskro Dourho kras len zoreles an o patsepen. Oun yon shounan ap o Debleste oun boud oun boudeder menshe van patslo.

Remarja 8:28

Mer djinah, halauter vell mishto kolenge, kay o Debles kamenna. Glan rah tsiro his o Debles an peskro dji, te dell lo menshen gole, te djivenn le leha khetne.

1. Timoteo 4:8

Te dikeh ap kova, te venn tire moussya oun herya zoreles, hi kova gar boud moldo. Te dikeh ap kova, te vell tiro patsepen zoreles, hi kova boud moldo, oun tou leh o čačo djipen. Ko djipen dell tout o Devel kanna ap kay phoub oun an ko tsiro, hoy vella.

2. Timoteo 4:18

Ninna an ko tsiro, hoy vella, lell man o Devel dran o tselo čilačepen vin, oun lell man pash peste an o bolepen, kay yob o ray hi. Les sharas mer kanna oun hako tsiro. Amen!