Gosewe laba 19:16 - O Debleskro Lab 2024 (Sinte-Manouche)

¹⁶ Kova, kay rikrell pes ap o činlo lab, dell yak ap peskro djipen. Kova kay gar yak dell ap peskre dromma, merella.

O Debleskro Drom 2021 (Sinte)

¹⁶ Kowa, kai rikrell pes ap o tchinlo lab, dell jak ap peskro djipen. Kowa kai gar jak dell ap peskre dromma, merella.

Gosewe laba 19:16 Iomraidhean Croise

Hiob 5:2

Koon rhoyrell pes pral halauter, hi dinelo. Leskri rholi tassrell les. Koon peskri rholi gar pale rikrell, hi narvelo. Yob merell ap peskri rholi.

Debleskri gili 103:18

kolenge, kay bistrenn gar, hoy yob lengre phourentsa vin kras, oun rikrenn pen ap leskre laba.

Gosewe laba 13:13

Koleske, kay i lačo lab i heryentsa stakrell, djal djoungeles. Koleske, kay rikrell pes ap ko lab, djal mishto.

Gosewe laba 15:32

Koon gar shounell, te vell lo trad dino, činell pes an peskro mass. Koon moukell pes čomone te penell, kova vell gosveder.

Gosewe laba 16:17

Kolla, kay ap o čačo drom djan, ačenn dour krik o čilačepastar. Koon yak dell, havo drom yob djal, kova dell yak ap peskro djipen.

Gosewe laba 21:16

I mensho, kay kamell gar te djinell, hoy gosevo hi, djal ap o drom pash i moulende.

Gosewe laba 21:23

Kova, kay nay rikrell peskro mouy oun dell yak ap peskri čip, savo rikrell bibarht pestar krik.

Gosewe laba 22:5

O drom, kay i čilače djana, hi pherde soubyengre bourra oun shelle, kay nay stakrenn le dren. Kova, kay ap peskro djipen yak dell, djal kote gar.

Gosewe laba 29:18

Te hi kek Debleskro rakepen koy, palle venn i menshe divyo oun bipandlo. Barhtelo hi kova, kay shounell ap o Debleskre laba.

Gosewe laba 3:1

Miro čavo, ma biste kova, hoy touke sikrom, rike mire laba an tiro dji!

Sikepaskro 12:13

Kova lauter, hoy kate penlo vas, hi khetne lino kova: Shoun ap o Debleste oun rike leskre laba! Kova molell i tsele menshenge.

Sikepaskro 8:5

Kova, kay rikrell pes ap o baro rayeskro lab, kova djal gar khetne kolentsa, kay hadenn pen pral o baro rayeste. O gosevo djinell, o tsiro vell, kay lenn le i phagi.

Jeremia 7:23

Me penom lenge: Shounenn ap miro lab, palle kamau me t'maro Devel te vell, oun t'mer han mire menshe. Djan ap ko drom, kay me t'menge penom, palle djal t'menge mishto.

Ezekiel 33:5

Yob shounas koy phourdepaskri oun das gar yak koy pre. Les kokres hi doosh ap peskro merepen. Te dals lo yak ap i phourdepaskri, palle lals lo peskro djipen dran o merepen vin.

Mateo 16:26

I mensheske vals kova gar mishto, te lals lo o tselo bravlepen ap kay phoub, oun nashrals o djipen. I mensho nay dell či o Debleste, te lell lo ko djipen pale.

Louka 10:28

Penas o Yezous leske: “Tiro hi čačo. Kre lauter yaake, oun tou djiveh!”

Louka 11:28

Koy penas lo: “Barhtele hi kolla, kay ap o Debleskro lab shounenna, oun kova ninna krenna, hoy o Devel penella.”

Johanni 14:15

“Te kamenn t'mer man o djiyestar, krenn t'mer, hoy me t'menge penom.

1. Korintarja 7:19

Kolla hi gar boudeder moldo, kay ap o mass činlo hi, har kolla, kay gar činlo hi ap o mass. Glan o Debleste molella, te rikress tout ap leskro lab.

1. Johanni 3:22

Oun lauter, hoy mer lestar mangah, kova lah mer, te rikrah men ap kova, hoy yob menge penas, oun djivah yaake, har yob kamella.

1. Johanni 5:3

Maro kamlepen o Debleske sikrell pes, te krah mer kova, hoy yob menge penella. Oun kova, hoy yob menge penella te kras, kova hi gar pharo.

Debleskro tsiro 22:14

Barhtele hi kolla, kay pengre ripya djoudjes thovenna. Yon nay rhan ko roukestar, hoy o djipen della, oun nay djan an kol bare voudya an ko foro dren.