Gosewe laba 18:14 - O Debleskro Lab 2024 (Sinte-Manouche)

¹⁴ I mensho kay zorelo an peskro dji hi, nay hidjrell peskro nasslepen. Te hi leskro dji phagedo, har nay hidjrell lo peskro pharepen?

O Debleskro Drom 2021 (Sinte)

¹⁴ I mensho kai sorelo an peskro dji hi, nai hidjrell peskro nasslepen. Te hi leskro dji phagedo, har nai hidjrell lo peskro pharepen?

Gosewe laba 18:14 Iomraidhean Croise

Hiob 6:4

Mange djal yaake, har te dals o zorelo Devel karye ap mande, oun leskre fayle vans an mande, hoy anenn mange o merepen. Kova, hoy moukell o Devel ap mande te vell, krell man i bari daar.

Debleskri gili 109:22

Me hom čorvelo oun kek hi ap miri rig. Miro dji hi phagedo.

Debleskri gili 147:3

Kolen, kay lengro dji phagedo hi, krell lo pale sasto, oun kolenge, kay doukedo hi, čivell lo i pandepen pre.

Debleskri gili 55:3

Dik ap mande oun shoun, har gole dau oun rovau.

Debleskri gili 55:5

Miro dji kamell i trashatar tardo te ačell. Oun me darau, te hounte merap.

2. Mose 6:9

Kal laba penas o Mose ap i Israelitarya. Ninna har rakras yob yaake ap lende, shounan le gar ap leste. Yaake phari his lengri boudi ap lende, oun an lengre djia his bouder kek zoor.

Gosewe laba 15:13

I barhtelo dji moukell o mouyes te sal. Kones i pharo dji hi, koles hi či sapaske.

Gosewe laba 17:22

I barhtelo dji hi mishto tiro sastepaske. Te hi touke hako tsiro ropaske, nashreh tiri zoor.

2. Korintarja 1:12

Maro dji penell menge, mer djivam maro djipen čačes oun djoudjes, yaake har o Devel kamella. Doleske nay sharah men. Mer rakram pral o Debleskro lačepen oun penam či, hoy vella dran maro menshengro gosvepen. T'mer djinenna, yaake djivam gar kokres mank i vavar menshende, na-a, ninna pash t'mende.

2. Korintarja 2:7

Kanna hounte bistrenn ko koova, hoy yob kras. Rakrenn lačes leha, te vell leske gar bouder ropaske.

Jakobo 1:2

Mire phrala, te vell pharo koova ap t'mende, palle dikenn koy pre, har te vell kova i barht t'menge.

1. Petro 1:6

Doleske avenn barhtelo, ninna te hounte djan i tikno tsiro ap i drom, kay vell boud pharo koova ap t'mende.