Gosewe laba 18:12 - O Debleskro Lab 2024 (Sinte-Manouche)

¹² Pre-phourdepen vell glan o perepen. Kolenge, kay krenn pen gar bares, vell ko tsiro, kay sharenn len i vavar.

O Debleskro Drom 2021 (Sinte)

¹² Pre-phurdepen well glan o perepen. Kolenge, kai krenn pen gar bares, well ko tsiro, kai sharenn len i wawar.

Gosewe laba 18:12 Iomraidhean Croise

1. Rajengro liil 3:7

Oun kanna, miro baro Devel, kral tou, miro ray, te vom me baro ray pal miro dadeste, o Davideste. Oun dik, me hom i terno morsh oun djinau gar, har te krap savi boudi.

Gosewe laba 11:2

I pre-phourdo dji vell sik an i ladj. I dji, hoy hadell pes gar, hi gosevo.

Gosewe laba 15:33

Kolla, kay djivenn o baro Debleha, dikenn dren, hoy lenge mishto hi, oun venn gosveder. Kolenge, kay krenn pen gar bares, vell ko tsiro, kay sharenn len i vavar.

Gosewe laba 16:18

Koon pes bares krell, vell phagedo. Oun i pre-phourdo mensho perell.

Gosewe laba 29:23

O pre-phourdepen i menshestar krell, te perell lo. Kova, kay hadell pes gar, vell an-diklo.

Ezekiel 28:2

Tou mensho, pen ap o rayeste pral o foro Tirus: Kava penell o baro Devel, maro ray: Tiro dji hadas pes oun penas: “Me hom i devel! Oun hom beshdo ap i debleskri beshepaskri mashkral dren an baro pani!” Ninna te kreh, har te vals i devel, hal či har i mensho!

Ezekiel 28:9

Te dikeh tou palle kolenge an o mouy, kay tout moulo denn, peneh bouder gar: “Me hom o Devel!” Te hal an i vasta kolendar, kay marenn tout, hayveh, te hal i mensho oun kek devel.

Ezekiel 29:9

Oun i tseli Egiptia vell i moulo them, kay či har barra pral ačenn. Oun yon dikenn oun hayvenn palle, te hom me o baro Devel. Tou, Farao, penal: “Kava baro lengsto pani hi miro. Me hom kova, kay kras les.”

Daniel 9:20

Oun har me yaake miro baro Debleha rakrom, oun man tele mangom, oun leske miri doosh oun i doosh mire menshendar Israel penom, oun me glan leste troul o Debleskri berga rovom,

Daniel 9:23

Har mangal o Debles, oun rakral tire erste laba vin, lom i lab lestar. Oun me vom, te penap touke kava lab. Tou hal kouč o Debleske. Kanna de yak, hoy penau, te hayvess, hoy ko dikepen kamell te penell.

Louka 14:11

Koon pes baro krella, koles sharell o Devel gar. Koon pes gar baro krella, oun penella: Me molau či, koles krell o Devel baro.”

1. Petro 5:5

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.