Gosewe laba 16:18 - O Debleskro Lab 2024 (Sinte-Manouche)

¹⁸ Koon pes bares krell, vell phagedo. Oun i pre-phourdo mensho perell.

O Debleskro Drom 2021 (Sinte)

¹⁸ Koon pes bares krell, well phagedo. Un i pre-phurdo mensho perell.

Gosewe laba 16:18 Iomraidhean Croise

Ester 3:5

Oun har o Haman dikas, te vitsrell o Mordekay pes gar glan leste tele, tapras les i bari rholi.

Ester 6:6

Oun o Haman vas dren. Oun o baro ray poučas les: “Hoy te krap ko morsheske, koles me, o baro ray, kamau o djiyestar te hadell?” Kote penas o Haman an peskro dji: “Kones kamell o baro ray boudeder te hadell har man?”

Ester 7:10

Yaake bladan le o Hamanes ap ko kasht pre, koles yob o Mordekayeske moukas pre te čivell. Oun i rholi o baro rayestar djas pale.

Gosewe laba 11:2

I pre-phourdo dji vell sik an i ladj. I dji, hoy hadell pes gar, hi gosevo.

Gosewe laba 17:19

Kova, kay čingepen kamell, kova kamell ninna o čilačepen. Kova kay hadell pes kokres pral, nay perell sik.

Gosewe laba 18:12

Pre-phourdepen vell glan o perepen. Kolenge, kay krenn pen gar bares, vell ko tsiro, kay sharenn len i vavar.

Gosewe laba 29:23

O pre-phourdepen i menshestar krell, te perell lo. Kova, kay hadell pes gar, vell an-diklo.

Gosewe laba 8:13

Kova, kay kamell o baro Debleha te djivell, kova kamell o čilačepen gar glan peskre yaka te dikell, kova dikell gar tele ap o vavareste oun phourdell pes gar pre, kova djal gar i čilačo drom, oun rakrell kek rhorhepen.

Jesaja 37:38

Oun har lo an-mangas an o kheer leskro deblestar, o Nisrok, dan les leskre čave, o Adrammelek oun o Sharezer, moulo o rhareha. Oun yon nashan penge krik an o them Ararat. Oun leskro čavo Asarhaddon vas baro ray pal leste.

Jeremia 50:32

Kote perell ko pre-phourdo oun ačell čiddo. Oun kek hi koy, kay čivell les pale ap peskre pire. Me kamau an leske forya yag te čivell, kova te rhal halauter pre, hoy kote trouyel hi.

Ezekiel 28:17

Tiro shoukapen kras tout pre-phourdo. Oun har bravelo oun raylo val, kral savo koova, hoy gar gosevo hi. Doleske vitsrom tout ap i phoub, oun moukom i vavar bare rayen ap toute tele te dikell, te vess lenge sapaske.

Ezekiel 29:9

Oun i tseli Egiptia vell i moulo them, kay či har barra pral ačenn. Oun yon dikenn oun hayvenn palle, te hom me o baro Devel. Tou, Farao, penal: “Kava baro lengsto pani hi miro. Me hom kova, kay kras les.”

Daniel 11:12

oun maredo. Fothe phourdell pes o baro ray pral o them Egiptia pre, oun marell zerya oun zerya, ačell lo gar yaake zoreles.

Daniel 5:22

Oun tou Belsazar, leskro čavo, djinal kava lauter, oun kral tout gar tiknes glan o Debleste.

Daniel 5:24

Doleske bičras lo ko vast, oun kova činas kal laba.

Mateo 26:74

Koy čingras lo, das pes sovel, oun penas ap lende: “Me prindjrau kava morshes gar!” Oun sik koy pre das o bashno gole.

Louka 14:9

Oun palle vell kova pash toute, kay penas, te vess ap i biyab, oun penell ap toute: Mouk koles kate te beshell, oun besh tout kote tele! Oun tou hounte leh ko telstouno beshepaskro, oun tout hi i bari ladj.

Remarja 11:20

Kova hi čačo. I bibolde patsan gar o Debles. Yaake hi le har kol kashta, hoy van tele činlo. T'mer han har vavar kashta, hoy van dren čiddo ap ko roukeste kokres dran t'maro patsepen. Doleske ma krenn t'men bares! Denn yak!

1. Timoteo 3:6

I phoureder mank i patslende hounte vell gar neves an o patsepen, te nay phourdell lo pes gar pre. Te phourdas pes lo pre, nay tserdell les o beng o Debleskro dromestar tele.

Čačepangre 11:28

O ray pral i Ammonarya shounas gar ap i laba, hoy o Yefta leske moukas te penell.

1. Samuel 17:42

Oun har o Goliat gomme i kotar krik his, dikas lo, te his o David i terno morsh lole čamentsa oun shoukar. Oun glan leskre yaka his o David har čik.