Gosewe laba 16:14 - O Debleskro Lab 2024 (Sinte-Manouche)

¹⁴ I baro ray, kay rhoyrell pes, nay bičrell yekes an o merepen. Oun i gosevo morsh krell lauter, te bistrell yob peskri rholi.

O Debleskro Drom 2021 (Sinte)

¹⁴ I baro rai, kai choirell pes, nai bitchrell jekes an o merepen. Un i gosewo mursh krell lauter, te bistrell job peskri choli.

Gosewe laba 16:14 Iomraidhean Croise

1. Mose 40:2

Oun o baro ray vas an i bari rholi pral kol douyende,

Ester 7:7

Oun o baro ray stas rhoyedo pre kotar, kay le mool khetne piyan. Oun djas vin an i baar pash peskro kheer. Oun o Haman ačas pash i ranyate Ester, te mangell lo latar peskro djipen. Yob dikas koy bibarht, hoy pral leste vell, hoy o baro ray peske glan las.

Gosewe laba 15:18

I morsh an koleste rholi hi, anell čingepen. Yek, kay gar sik rhoyedo vell, kova lell i yag dran o čingepen.

Gosewe laba 16:13

I mensho, kay o čačepen rakrell, krell, te dikell o baro ray lačes ap leste. Yob kamell o morshes o labestar.

Gosewe laba 16:15

Te dikell o baro ray lačes ap yekeste, nay djivell kova pre. Oun leskro kamlepen hi har i brishin, hoy moukell o djob bares te vell.

Gosewe laba 17:11

I čilačo mensho rodell hako tsiro čingepen. Doleske vell yek pash leste bičedo, ko dell les i phari phagi.

Gosewe laba 19:12

Har koy gole, hoy i levo dell, hi i rholi o baro rayestar. Oun leskro lačepen hi har o brishin ap i phoub, hoy krell lat pale sapeno.

Gosewe laba 20:2

I baro ray, te dell lo trad, palle hi kova, har te dell i levo gole. Kova, kay leskri rholi ap peste tserdell, nashrell peskro djipen.

Gosewe laba 29:26

Boud rodenn i rayes pre, te rakrenn le leha. Kova, kay dell o menshes peskro čačepen, hi kokres o baro Devel.

Gosewe laba 29:8

Kol pre-phourde, kay djinenn lauter feteder, krenn i tselo fores divyes. I goseve hayvenn, har te lenn le lengro čingepen krik.

Sikepaskro 10:4

Te vell o rayeskri rholi pral toute, palle ma dja toutar; yek kay hayvell te rikrell lo pes pale, rakrell yaake, te djal i rholi krik.

Daniel 2:16

Kote pre djas o Daniel pash o baro rayeste dren, oun mangas lestar, te dell lo les i tsiro, te nay penell lo leske, hoy koy souni kamell te penell.

Markus 6:27

Doleske bičras lo i lourdes pash o Yohanneste, te dell lo leskro shero tele. Kova djas an o stilepen, oun das leske o shero tele,

Bičepangre 12:20

O Herodes vas rhoyemen ap i menshende an i forya Tirus oun Sidon. Kolla lan pengro rhapen dran o Herodeskro them. Doleske bičran le khetne morshen pash leste, te vell lo pale lačo lenge. Kolla rakran koleha, kay das yak ap o Herodeskro kheer, leskro lab his Blasto, oun penan leske, te kamenn le bouder kek čingepen, oun mangan lestar, te penell yob kova o Herodeske.

2. Korintarja 5:20

Yaake ham mer o Debleskre bičepangre. Men hi o Yezous Kristeskro čačo vast. Doleske mangah i menshendar, te venn le pash leste. Oun kova hi yaake, har te dell len o Yezous Kristo gole: “Avenn pash o Debleste! Avenn leskre mala!”