Gosewe laba 16:1 - O Debleskro Lab 2024 (Sinte-Manouche)

¹ O mensho lell pes čomone glan an peskro dji. Hoy čačepah vella, penell o baro Devel.

O Debleskro Drom 2021 (Sinte)

¹ O mensho lell pes tchomone glan an peskro dji. Hoi tchatchepah wella, penell o baro Dewel.

Gosewe laba 16:1 Iomraidhean Croise

2. Samuel 7:5

Dja koy oun pen ap miro boudepaskro o David: Yaake penell o baro Devel: “Kameh tou mange i kheer te krell, te djivap koy dren?

2. Familjakro liil 18:31

Oun har i pralstoune pral i vourdya o Yosafates dikan, patsan yon, kay yob o ray pral o them Israel hi, oun djan troul leste, te kourenn le pen leha. Kote moukas o Yosafat i gole. Oun o baro Devel vas ap leskri rig, oun kras te rissran le pen lestar krik.

Esra 7:27

Sharedo vell o baro Devel, ko Devel mare phourendar! Yob hi kova, kay čivas sau koova an o rayeskro dji, te nay vell o baro Debleskro kheer an o foro Yerusalem yaake raylo oun shoukar!

Nehemia 1:11

Ah ray, shoun ap miro mangepen oun ap o mangepen kolendar, kay ninna tire boudepangre hi, kay mangenn tout o djiyestar an. Yaake mouk kova mishto te djal, hoy man glan hi, oun kre, te dikell o baro ray, o Artaxerxes, lačes ap mande.” An ko tsiro homs ko morsh, dran koleskro vast o pipen o baro rayeske vas.

Hiob 17:11

Miro djipaskro tsiro hi trouyel. Kova, hoy me mange lauter glan lom, oun hoy miro dji kamas, vas čičeske.

Debleskri gili 10:17

Kova, hoy i čorvele toutar mangenna, shouneh tou, mo baro Devel. Tou kreh lengro dji zorelo, oun tiro kand hi lenge pre.

Debleskri gili 119:36

Kre te dikap ap tire laba, hoy mange sikrenn, har te djivap, oun dikap gar ap o bravlepen!

2. Mose 4:15

Oun pen tiro phraleske halauter, hoy yob hounte rakrell! Oun me, t'maro Devel, čivau mire laba an tiro mouy oun leskro mouy oun sikrau t'men halauter, hoy hounte krenn.

Gosewe laba 15:33

Kolla, kay djivenn o baro Debleha, dikenn dren, hoy lenge mishto hi, oun venn gosveder. Kolenge, kay krenn pen gar bares, vell ko tsiro, kay sharenn len i vavar.

Gosewe laba 16:9

O mensheskro dji lell peske čomone glan, o baro Devel hi kova, kay anell leskre herya ap ko drom, har yob kamell.

Gosewe laba 19:21

Boud koova hi, hoy i morsh peske glan lell an peskro dji; kokres kova vella, hoy o baro Debles glan hi yekeha.

Gosewe laba 20:24

O baro Deblestar vell, har o djipen hakenestar djal. Har djinell i mensho, kay leskro drom les anell?

Gosewe laba 21:1

O baro rayeskro dji hi har i lengsto pani an o baro Debleskro vast, hoy moukell lo kote te nashell, kay yob kamell.

Jeremia 10:23

Baro Devel, me djinau, kova, hoy pral i mensheste vella, hi gar an ko mensheskro vast čiddo. Kova hi gar yob, kay krell peskro djipah, hoy yob kamella.

2. Korintarja 8:16

Me parkrau man pash o Debleste, te das yob maro phrales, o Tites, i baro dji t'menge.

Filiparja 2:13

Yob sikrell t'men, hoy yob kamella. Ninna krell lo an t'mende, te kamenn t'mer kova, hoy yob kamella, oun te nay krenn kova ninna.