Gosewe laba 15:6 - O Debleskro Lab 2024 (Sinte-Manouche)

⁶ Kova, kay an o čačepen tardo hi, les hi boudeder har les hounte vell djipaske. Kova, hoy i čilačo khetne lell, anell leske bibarht.

O Debleskro Drom 2021 (Sinte)

⁶ Kowa, kai an o tchatchepen tardo hi, les hi budeder har les hunte well djipaske. Kowa, hoi i tchilatcho khetne lell, anell leske bibacht.

Gosewe laba 15:6 Iomraidhean Croise

Debleskri gili 112:3

Lengre familye venn bravelo. Len hi lauter, hoy len hounte vell djipaske. Oun lengro čačepen ačell hako tsireske.

Debleskri gili 37:16

Ko tikno bravlepen, hoy koleskro hi, kay an o čačepen tardo hi, hi feteder har ko baro bravlepen boud čilačendar.

Gosewe laba 10:22

Te čivell o baro Devel peskri barht ap toute, veh tou bravelo. Oun kova, hoy tou koy pashel kreh, hi čičeske.

Gosewe laba 13:22

Kova, hoy i lačo morsh pale moukell, vell doureder dino leskre čavende oun čavengre čavende. O bravlepen kolestar, kay an o čilačepen djivas, lell kova, kay an o čačepen tardo hi.

Gosewe laba 15:16

Hi feteder, te hal čorvelo oun djiveh o baro Debleha, har te hi tout i baro bravlepen oun hounte daress halautereske.

Gosewe laba 15:5

O dinelo shounell gar ap leskro dadeste, te dell lo les trad. Kova, kay shounell koy pre, hi gosevo.

Gosewe laba 15:7

I gosevengro rakepen sikrell i vavarende, hoy lenge mishto hi. Kova, hoy i dinelen an o shero hi, hi či moldo.

Gosewe laba 16:8

Hi feteder, te hi tout gar boud, oun kova lal touke khetne kek rhorhepah, har te vell tout boud bravlepen, hoy anal khetne o rhorhepah.

Gosewe laba 21:20

I shoukar bravlepen oun kouč djet hi an o kheer kolestar, kay gosevo hi. I dinelo dell peskre love sikeder vin, har lell lo len.

Gosewe laba 3:33

O baro Devel čivell i bibarht ap o kheer i čilačendar, oun barht ap o kheer kolendar, kay an o čačepen tardo hi.

Gosewe laba 8:21

te dap kolen, kay man o djiyestar kamenn, yaake boud, te nay djivenn le mishto, te krap lengre khera pherdo bravlepen.

Sikepaskro 4:6

Feteder i vast pherdo djipaske oun tsirya, kay kreh či, har douy vasta pherdo djipaske oun boud boudi oun i naashepen pal o dourho, hoy djal pral i phoub.

Hebrearja 11:26

O Mose kamas feteder, te lell lo ko praasepen ap peste, hoy ninna o Yezous Kristo ap peste las, har te lell lo o tselo bravlepen an o them Egiptia. Leske his o bravlepen an o bolepen boudeder moldo.