Gosewe laba 15:25 - O Debleskro Lab 2024 (Sinte-Manouche)

²⁵ O baro Devel phagell o kheer kolestar, kay pre-phourdo hi. Yob dell yak, te lell kek koy phoub i romyatar krik, kolakro rom meras.

O Debleskro Drom 2021 (Sinte)

²⁵ O baro Dewel phagell o kheer kolestar, kai pre-phurdo hi. Job dell jak, te lell kek koi phub i romjatar krik, kolakro rom meras.

Gosewe laba 15:25 Iomraidhean Croise

Hiob 24:21

Yob randas kolatar, kay kek čave nay las, kolake kek čavo boldo vas. Oun kolake o rom meras, lake kras lo kek lačepen.

Debleskri gili 10:14

Tou dikal les. Tou deh yak ap kolende, kolenge le o djipen phares krenn, oun djineh lengre douka, oun leh lengro koova an tiro vast. Ava, i čorvele čivenn pengro djipen an tiro vast. Tou hal ap i rig kolendar, kolen kek dad bouder hi.

Debleskri gili 138:6

Ava, ninna te hal yaake dour pral halauter, dikeh tou kolen, kay tele rikede hi. Oun kol pre-phourden prindjreh foun doural.

Debleskri gili 146:9

O baro Devel dell ap i vi-themarya yak, oun hi ap i rig kol čavendar, kolen kek dad bouder hi, oun ap i rig kol djouvyendar, kolengro rom meras. I čilačenge čivell lo barra an lengro drom.

Debleskri gili 52:1

I gili o rayeske pral i gipangre. O David kras kay gili,

Debleskri gili 52:5

Tou kameh o čilačepen boudeder har o lačepen. Oun o rhorhepen kameh tou boudeder har o čačepen.

Gosewe laba 12:7

I čilače venn tele vitsedo oun hi gar bouder koy. O kheer kolendar, kay an o čačepen tardo hi, ačell tardo.

Gosewe laba 14:11

O kheer o čilačestar vell tele phagedo, i familyake kolestar, kay djal o čačo drom, djal mishto oun vell bareder.

Gosewe laba 15:26

O baro Devel dikell rhoyedes ap ko midjak koova, hoy lell pes i čilačo glan. Lačes dikell lo ap koleste, kay rakrell lače laba.

Gosewe laba 23:10

Ma čip kol phoure barra krik, hoy sikrenn, har baro tiro them hi. Ma le i phoub kol čavendar krik, kolen kek dad bouder hi.

Jesaja 1:17

Dikenn, har te krenn o lačepen, denn yak, te lell hakeno peskro čačepen. Avenn ap i rig kolenge, kay tele rikedo venn. Kol čave, kolen kek day oun kek dad hi, kolenge krenn o čačepen vin. Oun kol djouvya, kolenge o rom meras, kolengro koova lenn an t'maro vast!”

Jesaja 2:12

Leskro dives vella, ko dives o baro Deblestar, ko rayestar pral o bolepen oun i phoub. Ap ko dives vell hako pre-phourdo tiknes kerdo, ninna hakeno, kay hadas pes, hakeno kay kras pes bares.

Jeremia 5:28

Thoullo oun pesso hi le, oun moukenn gar tele te krenn le čilačepen. O čačepen lenn le gar an o vast, te lenn kolendar pengro čačepen, kay čorvelo hi, ninna kol čavendar, kay len kek dad bouder hi.

Daniel 5:20

Har hadas pes leskro dji, oun vas yob yaake pre-phourdo, te rikras lo glan či bouder pale, vas lo tele vitsedo peskro rayeskro beshepaskri. Oun o rayeskro barepen vas lestar krik lino.

5. Mose 19:14

An ko tsiro, kay djivenn an ko them, hoy t'maro baro Devel t'men dell, te lenn les t'menge dren, palle hounte čivess gar kol barra ap i rig, hoy sikrenn har baro hi ko kotar them kolestar, kay langs toute djivell. Kolla his tire phoure, kay čivan kol barra koy.

Jakobo 1:27

Kanna penau t'menge, hoy o Devel, maro dad, kamella, oun hoy hi lačo glan leskre yaka: Krenn lačepen i čorvele djouvyenge, kolen kek rom bouder hi! Krenn ninna lačepen kol čorvele čavenge, kolen kek dad oun day bouder hi! Ma moukenn t'men dren an ko čilačo koova, hoy i menshe ap kay phoub krenna.

1. Petro 5:5

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.