Gosewe laba 15:21 - O Debleskro Lab 2024 (Sinte-Manouche)

²¹ Kones či an o shero hi, kova kamell narvelo koova. I morsh, kay hayvell, hoy mishto oun gar mishto hi, ačell ap o čačo drom.

O Debleskro Drom 2021 (Sinte)

²¹ Kones tchi an o shero hi, kowa kamell narwelo koowa. I mursh, kai haiwell, hoi mishto un gar mishto hi, atchell ap o tchatcho drom.

Gosewe laba 15:21 Iomraidhean Croise

Hiob 28:28

Yob penas ap o mensheste: Savo mensho hi gosevo, kay rikrell pes o Debles glan i yaka pash kova, hoy lo krell. Savo mensho hayvas, har te djivell lo o gosevo djipen, kay rikrell pes pale o čilačepastar.

Debleskri gili 111:10

Koon djivell o baro Debleha, kova lell gosvepen. Gosevo hi hakeno, kay ap o baro Debleskre laba shounella. Te sharas les hako tsiro!

Gosewe laba 10:23

O dineleske hi shoukar, te krell lo vi-ladjedo koova. O gosevo morsheske hi shoukar, te hayvell lo gomme boudeder.

Gosewe laba 11:12

Koon praasell o vavares, hi narvelo. I gosevo morsh rikrell peskro mouy.

Gosewe laba 14:16

O gosevo darella oun rikrell pes pale o čilačepastar. O dinelo vell sik rhoyedo oun patsell, te nay djal leske kek čilačepen.

Gosewe laba 14:8

O gosevo dell yak har lo djivell, doleske hi lo gosevo. I narvele perenn hako kopo ap dinlepen dren. Oun yaake rhorhenn le pen kokres.

Gosewe laba 14:9

I dinele sanenn pral i doosh, hoy yon ap pende anan. O Devel dikell lačes ap kolende, kay o čačo drom djan.

Gosewe laba 15:22

Kova, hoy yekes an o shero hi, djal gar mishto, te poučell lo gar i vavarendar, hoy yon patsenna. Kote, kay boud menshe hi, kay denn pengro gosvepen pashel, kote djal mishto.

Gosewe laba 4:25

Mouk touke či an i yaka te vell! Dik glan toute oun gar čačes oun serves!

Gosewe laba 4:26

De yak te djas i čačo drom! Oun rake tiro djiyeha pral lauter hoy kreh!

Efesarja 5:15

Denn yak koy pre, har t'mer t'maro djipen djivenna! Ma djivenn har dinele menshe! Djivenn har kolla, kay djinenna, hoy mishto hi!

Jakobo 3:13

Koon gosevo hi mank t'mende oun djinell boud, kova hounte sikrell dran peskro lačo djipen, kay hayvas lo, hoy mishto oun čačo hi. Oun yob sharell pes gar pral ko lačo koova, hoy yob kras.