Gosewe laba 15:20 - O Debleskro Lab 2024 (Sinte-Manouche)

²⁰ I gosevo čavo krell peskro dades oun peskri dat barhteles. I dinelo sal pral lende.

O Debleskro Drom 2021 (Sinte)

²⁰ I gosewo tchawo krell peskro dades un peskri dat bachteles. I dinelo sal pral lende.

Gosewe laba 15:20 Iomraidhean Croise

1. Rajengro liil 1:48

Ninna penas lo: Sharenn o baro Debles, kay o Israeleskro Devel hi! Kava dives čivas lo yekes mire čavendar ap miro rayeskri beshepaskri, oun moukas man kova gomme te dikell!”

1. Rajengro liil 2:9

Kava koova hounte less tou an tiro vast. Tou hal i gosevo morsh oun tou djineh, hoy hounte kress leha. Yob hi i phouro morsh. Mouk les gar an o lačepen te merell! Mouk les moulo te dell!”

1. Rajengro liil 5:7

Oun kol pralstoune pral o rhapen dan o baro rayeste Salomo halauter, hoy leske oun kolenge an leskro kheer hounte vell rhapaske, hakeno an peskro čon. Yaake his len doha halauterestar.

2. Mose 20:12

Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.

Gosewe laba 10:1

Kalla hi i goseve laba o Salomestar. I gosevo čavo krell peskro dades oun peskri dat barhtelo. I dinelo čavo krell, te vell lenge ropaske.

Gosewe laba 13:1

I gosevo čavo shounell ap peskro dadeste, te penell yob leske, hoy lo gar mishto kras. I pre-phourdo sal oun shounell ninna gar, te vell lo trad dino.

Gosewe laba 15:19

O drom kolendar, kay kamenn gar te boudrell, hi pherdo soubyengre bourra. Kolenge, kay o čačepen krenn, hi kek barra an o drom čiddo.

Gosewe laba 23:22

Shoun ap tiro dadeste oun tiri date! Yon dan tout o djipen. Ma dik tele ap lende, te van le phouro.

Gosewe laba 23:24

Barhtelo hi i dad, te hi leskro čavo an o čačepen tardo oun les i gosevo dji hi.

Gosewe laba 29:3

Kova, kay kamell o gosvepen, krell peskro dades barhtelo. Kova, kay pes loubyentsa dren moukell, nashrell peskro bravlepen.

Gosewe laba 30:17

Kova, kay praasell peskro dades, oun kamell gar ap peskri date te shounell, koleske hounte dens i korake i yaka vin, oun i bare čirkle hounte rhans len.

3. Mose 19:3

Hakeno t'mendar hounte dikell pre ap peskri date oun ap peskro dadeste, oun hounte rikrell o Debleskro dives! Me, o baro Devel, hom t'maro Devel.

Filiparja 2:22

T'mer prindjrenn o Timotes oun djinenn, har mishto leskri boudi hi. Har me i menshende o Yezouseskro drom sikrom, his lo mange koy, har hi i čavo peskro dadeske koy.