Gosewe laba 14:3 - O Debleskro Lab 2024 (Sinte-Manouche)

³ O rakepen o dinelestar sikrell peskro pre-phourdepen. I laba i gosevendar hi har vasta troul leste, hoy rikrenn len.

O Debleskro Drom 2021 (Sinte)

³ O rakepen o dinelestar sikrell peskro pre-phurdepen. I laba i gosewendar hi har wasta trul leste, hoi rikrenn len.

Gosewe laba 14:3 Iomraidhean Croise

Hiob 5:21

Yob khatrell tout glan o rakepen, hoy i čilače čipya rakrenn. Te vell i kourepaskro tsiro, hounte vell tout kek daar.

Debleskri gili 12:3

Hakeno rhorhell o vavares. Yon rakrenn douy čipyentsa oun dran douy djia.

Debleskri gili 31:18

Baro Devel, mouk man gar čičeske gole te dell ap toute! Kre, te ladjenn pen i čilače! Yon mou djan tele oun merenn! Palle nay rakrenn le bouder gar,

Debleskri gili 57:4

Dran o bolepen mou vell lo mange ap i rig, oun lell man vin dran o praasepen kolestar, kay man palla lell. O Devel mou sikrell man, te hi lo mange lačo, oun te rikrell lo pash mande.

Gosewe laba 12:6

I čilačengre laba kamenn yekes an o merepen te anell. O rakepen kolendar, kay o čačo drom djan, lell len dran o merepen vin.

Gosewe laba 13:3

Kova kay ap peskro rakepen yak dell, kova dell yak ap peskro djipen. Koles i baro mouy hi, kova tserdell bibarht ap peste.

Gosewe laba 14:4

Kote, kay kek groumya hi, vell kek djob dren anlo. I zoryah i groumyendar aneh boud djob dren.

Gosewe laba 18:6

Kova, hoy i dinelo rakrell, anell čingepen. Oun leskro mouy dell pal dava gole.

Gosewe laba 18:7

O rakepen o dinelestar anell les an i bibarht. Oun yob taprell pes kokres an peskre laba.

Gosewe laba 21:24

Ko baro-mouyeskro, kay dikell tele ap i vavarende, vell pre-phourdo kharedo. Yob patsell, te nay krell lo lauter oun kek les pale rikrell.

Gosewe laba 22:8

Kova, kay rhorhepen vin vitsrell har djob, kova anell bibarht dren. Palle nay djal lo bouder gar i vavarentsa yaake trouyel har yob kamell.

Gosewe laba 28:25

Kova, kay bokell pal i love, savo anell čingepen pre. Kova, kay rikrell pes ap o baro Debleste, lell boudeder har doha te rhal.

Daniel 7:20

Oun ninna kamom te djinell, hoy kol deesh shinga ap leskro shero kamenn te penell, oun ko vavar shing, hoy vin vas, oun glan koleste kol triin vavar shinga vin peran. Oun kava shing his bareder har kol vavar. Oun les his yaka oun i mouy, hoy baro koova rakras.

2. Petro 2:18

Yon rakrenn bare laba, kay či moldo hi. Lengro vi-ladjedo djipen tserdell kolen ap o čilačo drom, kay dan glan i tikno tsiro pengro phouro djipen pre.

Debleskro tsiro 12:11

Mare phrala his zorleder har ko phoukepaskro. O terno bakro, hoy maredo vas, kova thovas lengri doosh peskro rateha tele. Mare phrala sikran i menshende o čačo drom pash o Debleste, ninna te van le doleske maredo.

Debleskro tsiro 3:10

T'mer rikran ko lab, hoy t'menge penom, oun van gar khino an o patsepen ap mande. Doleske rikrau mire vasta pral t'mende an ko pharo tsiro, kay i bibarht vella pral i tsele menshende ap kay phoub, te vell diklo, hoy an lengre djia hi.

1. Samuel 2:3

Moukenn tele t'maro sharepah! Ma krenn t'men bares! Moukenn bouder kek pre-phourde laba dran t'maro mouy vin! O baro Devel hi i Devel, kay kova djinell. Oun kova, hoy i menshe krenna, lell yob an o yak oun penell, hoy kova molella.