Gosewe laba 14:11 - O Debleskro Lab 2024 (Sinte-Manouche)

¹¹ O kheer o čilačestar vell tele phagedo, i familyake kolestar, kay djal o čačo drom, djal mishto oun vell bareder.

O Debleskro Drom 2021 (Sinte)

¹¹ O kheer o tchilatchestar well tele phagedo, i familjake kolestar, kai djal o tchatcho drom, djal mishto un well bareder.

Gosewe laba 14:11 Iomraidhean Croise

Hiob 15:34

Yaake djal i familyenge kolendar, kay djivenn kek Debleha. Yon ačenn kek čaventsa. Oun i yag rhačrell lengre khera pre, hoy kran le kol loventsa, hoy lenge playsedo vas te rhorhenn le.

Hiob 18:21

Čačepah, yaake djal i čilačenge oun kolenge, kay kamenn či o Deblestar te djinell.

Hiob 21:28

T'mer penenn: “Hoy vas dran o kheer ko rayestar, kay yaake boud čilačepen kras?”

Hiob 8:15

Rikrell lo pes ap peskro kheer, phagell kova khetne. Rikrell lo pes ap kova, hoy les hi, ačell kova gar.

Hiob 8:22

Kolla, kay kamenn touke čilačepen te krell, hounte ladjenn. Oun i khera i čilačendar ačenn gar tardo.

Hiob 8:6

oun djiveh i djoudjo djipen an o čačepen, palle stell lo touke pre, oun moukell les touke oun tiri familyake pale mishto te djal, yaake har čačo hi.

Debleskri gili 128:3

Khere hi tiri romni. Oun yoy hi har i drakengro rouk, hoy boud drake hidjrella. Oun tire čave hi beshdo troul tiri rhapaskri har terne djeteskre rouka.

Debleskri gili 37:10

An i tikno tsiro hi o čilačo bouder gar koy. Oun kote, kay yob djivas, hatseh les bouder gar.

Gosewe laba 11:28

Kova, kay čivell peskro dji ap peskro bravlepen, merell tele har patria. Kolenge, kay krenn o čačepen, djal mishto har i zenelo rouk.

Gosewe laba 12:7

I čilače venn tele vitsedo oun hi gar bouder koy. O kheer kolendar, kay an o čačepen tardo hi, ačell tardo.

Gosewe laba 15:25

O baro Devel phagell o kheer kolestar, kay pre-phourdo hi. Yob dell yak, te lell kek koy phoub i romyatar krik, kolakro rom meras.

Gosewe laba 21:12

O Devel hi an o čačepen tardo, oun lell o čilačeskri familya an i yak, oun vitsrell i čilačen an i bibarht.

Gosewe laba 21:20

I shoukar bravlepen oun kouč djet hi an o kheer kolestar, kay gosevo hi. I dinelo dell peskre love sikeder vin, har lell lo len.

Gosewe laba 3:33

O baro Devel čivell i bibarht ap o kheer i čilačendar, oun barht ap o kheer kolendar, kay an o čačepen tardo hi.

Zakarie 5:4

O baro Devel, ko ray pral o bolepen oun i phoub, penell, ko praasepen te vell pral o čorepaskro kheer oun an o kheer kolestar, kay dell pes i rhorheno sovel an o lab o baro Deblestar. Ko liil ačell an lengre khera, oun rhal len pre, ninna lengro kasht oun lengre barra.”