Gosewe laba 13:22 - O Debleskro Lab 2024 (Sinte-Manouche)

²² Kova, hoy i lačo morsh pale moukell, vell doureder dino leskre čavende oun čavengre čavende. O bravlepen kolestar, kay an o čilačepen djivas, lell kova, kay an o čačepen tardo hi.

O Debleskro Drom 2021 (Sinte)

²² Kowa, hoi i latcho mursh pale mukell, well dureder dino leskre tchawende un tchawengre tchawende. O brawlepen kolestar, kai an o tchilatchepen djiwas, lell kowa, kai an o tchatchepen tardo hi.

Gosewe laba 13:22 Iomraidhean Croise

Esra 9:12

Doleske ma denn t'mare čen lengre čavenge! Oun lengre čen ma lenn len t'mare čavenge! Ma avenn lengre mala! Oun denn yak, te venn le gar bravelo, an kek tsiro. Palle nay venn t'mer zoreles an o them, oun nay rhan ko lačepen, hoy an ko them koy hi. Kova nay denn palle t'mare čaven, te djivenn le an hako tsiro an ko them.

Debleskri gili 102:28

Tou ačeh yaake har tou hal, oun djiveh hako tsiro.

Debleskri gili 112:2

Koleskre čave venn zoreles an o tselo them. O baro Devel čivell peskri barht ap kolengre čavende, kay o čačo drom djan.

Debleskri gili 128:6

Oun ninna dikeh i čave tire čavendar. Barht te vell pral o Israel!

Debleskri gili 37:25

Me homs terno oun vom phouro. An ko tselo tsiro dikom me kekes kokres mouklo, kay an o čačepen tardo hi; oun kekes leskre čavendar dikom, kay hounte mangas peske maro.

Gosewe laba 17:6

Čavengre čave hi har i rayeskri stadi i phourenge. Oun i čave sharenn pen pengro papeha oun pengri mami.

Gosewe laba 28:8

Kova, kay bare love kolendar lell, kolen pash leste siyaan hi, oun krell pes koleha braveles, koleskro bravlepen lell savo mensho, koles i baro dji i čorvelenge hi oun lende dell.

Sikepaskro 2:26

Kol menshe, kay djivenn yaake har glan o Debleste mishto hi, kolla lenna lestar gosvepen oun barht an o dji. Kolla, kay djan o Debleskro dromestar tele, kolen moukell lo te boudrell oun bravlepen khetne anell, hoy pal i tsiro i vavareske vell, yekeske, kay djivell yaake har glan o Debleste mishto hi. Palle his leskri tseli boudi čičeske, oun yaake har te nashals lo pal o dourho, hoy djal pral i phoub.