Gosewe laba 13:19 - O Debleskro Lab 2024 (Sinte-Manouche)

¹⁹ Te vell kova, hoy yek yaake rah kamas, hi lo barhtelo. I dinele rhoyrenn pen, te hounte moukenn le pengro čilačo drom.

O Debleskro Drom 2021 (Sinte)

¹⁹ Te well kowa, hoi jek jaake rah kamas, hi lo bachtelo. I dinele choirenn pen, te hunte mukenn le pengro tchilatcho drom.

Gosewe laba 13:19 Iomraidhean Croise

1. Rajengro liil 1:48

Ninna penas lo: Sharenn o baro Debles, kay o Israeleskro Devel hi! Kava dives čivas lo yekes mire čavendar ap miro rayeskri beshepaskri, oun moukas man kova gomme te dikell!”

Hiob 28:28

Yob penas ap o mensheste: Savo mensho hi gosevo, kay rikrell pes o Debles glan i yaka pash kova, hoy lo krell. Savo mensho hayvas, har te djivell lo o gosevo djipen, kay rikrell pes pale o čilačepastar.

Debleskri gili 34:14

Palle denn garda ap t'mari čip, te rakrell li kek čilačepen oun kek rhorhepen!

Debleskri gili 37:27

Mouk o čilačepen pal toute, oun kre o lačepen! Palle nay ačeh hako tsireske khere an o them.

Gosewe laba 13:12

Te dikell yek i rah tsiro ap čomone, oun kova vell gar, vell leskro dji pharo. Te vell kova, ap hoy yek yaake rah dikas, palle djivell leskro dji pale pre.

Gosewe laba 13:18

An čorvlepen oun ladj vell kova, kay moukell pes či te penell. An-diklo vell kova, kay shounell, te vell lo trad dino.

Gosewe laba 13:20

Kova, kay khetne hi kolentsa, kay gosevo hi, kova vell ninna gosevo. Kova kay i maal hi i dinelentsa, kova vell bibarhtelo.

Gosewe laba 16:17

Kolla, kay ap o čačo drom djan, ačenn dour krik o čilačepastar. Koon yak dell, havo drom yob djal, kova dell yak ap peskro djipen.

Gosewe laba 16:6

Ab lačes oun rike pash o Debleste, oun yob bistrell tiri doosh. Te djiveh leha, rikreh tout pale o čilačepastar.

Gosewe laba 29:10

I marepangre hi rhoyedo pral koleste, kay kek doosh ap peste anas. Kolla, kay an o čačepen tardo hi, denn yak ap koleskro djipen.

Gosewe laba 29:27

Rhoyedo pral kolende, kay čilačo koova krenn, hi kolla, kay o čačepen krenn. Oun rhoyedo pral koleste, kay o čačepen krell, hi kolla, kay čilačo koova krenn.

Gosewe laba 3:7

Ma ab gosevo an tire yaka! Mouk o baro Devel tiro ray te vell, oun rike tout krik i čilače dromma!

Kamlepaskri gili 3:4

Har me lendar i tikno kotar doureder djom, hatsom les, koles miro dji kamell. Me taprom leskro vast, oun moukom les bouder gar mandar te djal, lom les khere pash mande, an miri dakri isema, kay boldo vom.

2. Timoteo 2:19

Ninna te hi save menshe koy, kay rakrenn rhorhepen, djinah mer: Kova, hoy o Devel kras, nashte krell kek paash. Kova hi har i bar, hoy zoreles tardo hi. Kek nay vitsrell les trouyel. Ap leste hi činlo: O ray prindjrella kolen, kay leskre hi. Oun ninna hi činlo: Koon o rayes an-mangella, hounte moukell o čilačo drom.