Gosewe laba 13:18 - O Debleskro Lab 2024 (Sinte-Manouche)

¹⁸ An čorvlepen oun ladj vell kova, kay moukell pes či te penell. An-diklo vell kova, kay shounell, te vell lo trad dino.

O Debleskro Drom 2021 (Sinte)

¹⁸ An tchorwlepen un ladj well kowa, kai mukell pes tchi te penell. An-diklo well kowa, kai shunell, te well lo trad dino.

Gosewe laba 13:18 Iomraidhean Croise

Debleskri gili 141:5

Lače menshe mou denn man i phagi, oun čingrenn mantsa an o lačepen. I čilačendar kamau gar, te sharenn le man. Oun me mangau o Deblestar, te krenn le mange kek čilačepen.

Gosewe laba 12:1

Koleske, kay kamell gosevo te vell, hi shoukar, te vell leske penlo, hoy lo gar mishtes kras. Kova, kay moukell pes či te penell, ačell dinelo.

Gosewe laba 13:13

Koleske, kay i lačo lab i heryentsa stakrell, djal djoungeles. Koleske, kay rikrell pes ap ko lab, djal mishto.

Gosewe laba 13:19

Te vell kova, hoy yek yaake rah kamas, hi lo barhtelo. I dinele rhoyrenn pen, te hounte moukenn le pengro čilačo drom.

Gosewe laba 13:25

Koles, kay an o čačepen tardo hi, hi doha rhapaske. O per i čilačestar bokella.

Gosewe laba 15:5

O dinelo shounell gar ap leskro dadeste, te dell lo les trad. Kova, kay shounell koy pre, hi gosevo.

Gosewe laba 19:6

Boud makenn o braveleske gvin troul o mouy, oun hakeno hi o maal kolestar, kay dell čomone čičeske.

Gosewe laba 25:12

I gosevo mensho, kay trad dell, oun i kand, hoy ap leste shounell, kolla hi har i sonakaskri goustri oun i sonakaskri verkli troul i meen.

Gosewe laba 9:9

Pen i goseveske kova, hoy yob gar mishto kras! Palle vell lo gomme gosveder. An koleske čomone pashel, kay an o čačepen tardo hi! Palle djinell lo gomme boudeder.

Sikepaskro 7:5

O mensheske hi feteder te shounell lo ap i goseveste, kay čingrell leha, har te shounell lo ap i gilya, kolentsa i dinele les sharenn.

Jeremia 3:25

Mer hounte ladjams men, oun mari ladj hounte čakrals men har i plarhta! Maro tselo djipen djivam yaake, har o baro Devel, maro ray, gar kamas. Mer oun mare phoure djivam yaake, oun shounam gar ap kova, hoy yob menge penas, te kras mer.

Hebrearja 12:25

Denn yak, te shounenn ap o Debleste, kay ap t'mende rakrella! Har yob ap i phoub ap i phoure Israelitarya rakras, kaman le gar ap leste te shounell, oun leskri rholi vas pral lende. Kitse boudeder vell o Debleskri rholi pral mende, te shounah gar ap leste, kay dran o bolepen rakrella.